تورکیه لیبیا گه کووید 19 واکسینی یوباردی

ینگی تور کرونا ویروس (کووید 19) گه قرشی کوره ش دایره سیده تورکیه لیبیا گه 150 مینگ دوز واکسین یوباردی. 

تورکیه جمهوریتی ملی مدافعه وزیرلیگی اوشبو واکسین لر توغریسیده اجتماعی ترماق آرقه لی بیانات بیردی. 

انقره ده یوباریش اوچون تیار وضعیت گه کیتیریلگن 150 مینگ دوز کووید 19 واکسینی لیبیا گه یوباریلدی. 

تورکیه هوا کوچلری اوچاغی بیلن یوباریلگن اوشبو واکسین لر لیبیاده کووید 19 گه قرشی کوره ش گه حصه قوشه دی. 

تورکیه جمهوریتی جمهوررئیسی رجب طیب ایردوغان اوتگن کونلرده لیبیا ملی بیرلیک حکومتی نینگ باش وزیری عبدالحمید دبیبه بیلن بولیب اوتگن اوچره شوویده "لیبیا گه 150 مینگ دوز کووید 19 واکسینی یوباره میز" دییه قید ایتگن ایدی.