چاووش اوغلی اروپا بیرلیگی ییتکچیلری سفری چاغیده گی پروتکول مسئله سی بوییچه گپیردی

تورکیه جمهوریتی تشقی ایشلر وزیری مولود چاووش اوغلی اروپا بیرلیگی تورکیه سفری چاغیده گی پروتکول بوییچه اروپا بیرلیگی تامانی نینگ طلبلری نینگ جایی گه کیلتیریلگن لیگینی ایتدی.

چاووش اوغلی جنابلری کویت تشقی ایشلر وزیری و کابینه ایشلریدن مسؤل دولت وزیری شیخ احمد ناصر محمد الصباح بیلن پایتخت انقره ده مشترک مطبوعات کنفرانس اوتکزدی.  

چاووش اوغلی اروپا بیرلیگی کینگش باشلیغی چرلیس میچل و اروپا بیرلیگی کمیسیون باشلیغی اورسلا فون در لیین نینگ 6 اپریلده عملگه آشیرگن تورکیه سفری چاغیده گی پروتکول معماسی بوییچه سواللرنی جوابله دی.  

قدیم بیر دولت بولمیش تورکیه نینگ ایلک مرته مهمان کوتیب آلمه گن لیگینی ایتگن چاووش اوغلی تورکیه ده اوتکزیلگن اوچره شوولرده عملی قیلینگن پروتکول نینگ خلق ارا مهمان نوازلیک اصوللری و تورک مهمان نوازلیگی دایره سیده ایکن لیگینی اورغوله دی.

تورکیه گه قره ته حقسیز عیبلاولر بولگن لیگینی معلوم قیلیب شولرنی ایتدی.

"هر سفر آلدی تشریفاتچیلر اوچره شیب مهمان نینگ پروتکول مسئله سی توغریسیده صحبت قیله دیلر. پروتکول جریانیده اروپا بیرلیگی تامانیدن کیلگن طلبلر جایی گه کیلتیریلگن دیر. اروپا بیرلیگی نینگ طلبی گه بناً بونقه بیر اولتیریش ترتیبی توزیلگن دیر. نقطه." دیب گپیردی.