ایردوغان سوونینگ کتته نعمت ایکن لیگینی ایتدی

جمهور باشلیغی رجب طیب ایردوغان سوونینگ برچه جانلی لر کبی انسانلر اوچون هم واز کیچیلمس بیر نعمت ایکن لیگینی، نه فقط حیاتیمیز اوچون اقتصادی رواجلنیش و اوسیش اوچون هم سوونینگ جوده مهم ایکن لیگینی ایتدی.

جمهور باشلیغی ایردوغان بیش تیپه ملت کنگره سی و مدنیت مرکزیده "1- سوو کینگشی و 363 ته پروژه نینگ آچیش مراسمیده" گپیردی.

جمهور باشلیغی ایردوغان دولت سوو ایشلری تامانیدن توزیلگن 363 ته پروژه نینگ آچیلیشی بیلن اقتصادگه 427 میلیون لیره حصه قوشگن لیگینی افاده ایتدی.

سوونینگ برچه جانلی لر کبی انسانلر اوچون هم واز کیچیلمس بیر نعمت ایکن لیگینی قید ایتگن ایردوغان جنابلری شولرنی ایتدی:

" نه فقط حیاتیمیز اوچون اقتصادی رواجلنیش و اوسیش اوچون هم سوو جوده مهم عنصردیر. بو احتیاج نی هردایم تامین ایتیش اوچون اصراف گه توسیق بولیش هم جوده مهم دیر" دیدی.

ایردوغان 2025 ییلی گچه دنیاده سوو کمچیلیگی باعث 700 دن آرتیق کیشی نینگ بدرغه بولیب چیقیش مجبوریتی خطری گه دوچ قاله جگینی اورغوله دی. نفوس نینگ کوپه ییشی، غذائی مواد و انرژی طلبی بیلن بیر قطارده اقلیم اوزگریشی نینگ کیلجکده فلاکت گه سبب بوله جگینی معلوم قیلدی.

اولکه ده سونگگی 19 ییلده 600 ته سی سوو کولی بولیب 8697 ته ینگی پروژه توزگن لیکلرینی اورغوله دی. (جمهوریت نینگ اعلان ایتیلیشی نینگ 100 ییل لیگی بولمیش) 2023 گچه اداغگه ییته دیگن ییر آستی کول سانینی 157 ته گه ییتکیزه جکلرینی ایتدی.

ایردوغان مجلسده سوو بوییچه بیر قانون اوستیده باش قاتیریب تورگن لیکلرینی تیلگه آلدی.