تورکیه ده بیر قطار قاچقین قوتقریب آلیندی

تورکیه نینگ موغلا ولایتیده یونان قیرغاق کوچلری تامانیدن تورک دینگیز ساحه سیگه هیده ب یوباریلگن 42 نفر قاچقین تورک قیرغاق خوفسیزلیگی کوچلری تامانیدن قوتقریب آلیندی.

قیرغاق خوفسیزلیگی قومندانلیگی منسوبلری نینگ بودروم تومنی قاره آدا دینگیز ساحه سیده سوو کیرگن پلاستیک قَییقده بیر گروپ قاچقین بولگن لیگی خبری گه بناً حرکت قیلیب بارگن لیگی بیلدیریلدی.

خوفسیزلیک منسوبلری بو جایده 34 نفر قاچقین نی اوز قَییقلریگه آلیب چیقرگن.

مرمریس سرچه قویو دینگیز ساحه سیده هم پلاستیک قوتقروو قَییق نینگ ایچیده سووگه باتیش خطری گه دوچ قالگن 8 نفر قاچقین نی قوتقریب آلگن.

اوشبو قاچقین لرنینگ یونان قیرغاق خوفسیزلیک کوچلری تامانیدن تورک دینگیز ساحه سیگه هیده ب یوبارگن لیگی بیلدیریلدی.