تورکیه نینگ کرونا گه قرشی واکسین ایشلب چیقاریشی بوییچه مهم و مثبت بیر ینگیلیک یوز بیردی

بیر نیچه آی دن بیری تورکیه نینگ ایرجیَس عالی بیلیم یورتی تامانیدن آلیب باریلیاتگن کرونا ویروس گه قرشی واکسین ایشلب چیقاریلیشی بوییچه فعالیت لر دایره سیده بوگون مهم و مثبت بیر ینگیلیک یوز بیردی. 

فاز 2 تدقیقات لری دوام ایتیاتگن واکسین نینگ بیرینچی مراتبه کونگیللی بیر کیشی گه ایککینچی دوزی تزریق ایتیلدی. 

فاز 2 تدقیقات لری نینگ نتیجه بیریشی تقدیرده, خلق ارا مقیاسده مینگلب کونگیللی کیشی نینگ اشتراکی بیلن فاز 3 پروسه سی بوییچه فعالیت لر باشله تیله دی. 

فاز 2 مرحله سی بوییچه تدقیقات لرنینگ دوام ایتیاتگن مذکور واکسین نینگ ایککینچی دوزی تزریق قیلینگن سونر آقر بیانات بیردی. 

آقر, "کوپ یخشی من, خرسند من.  فخرله نه من. اولکه میزده ویروس گه قرشی جدی روشده کوره ش دوام ایتماقده.  مین هم بیر کیشی صفتیده اوشبو کوره ش نینگ بیر بولگی بولیش نی ایسته دیم" دییه قید ایتدی. 

مذکور عالی بیلیم یورتی نینگ باشلیغی مصطفی چالیش ایسه, اپریل آیی نینگ سونگگی ده اوشبو واکسین نینگ فاز 3 مرحله سی نینگ باشله یدیگن لیگی نی معلوم قیلدی. 

چالیش, "فاز 1 و 2 ده موثریت و ایشانرلیک کوریندی.  بیراق فاز 3 ده هم کورینیشی کیره ک.  اوشبو توغریده ساغلیق نی سقلش وزیرلیگی قرار بیره دی" دییه قید ایتدی.