تورکیه ملی مدافعه وزیری خلوصی آقر قولب توشگن حربی هلیکوپتر توغریسیده بیانات بیردی
آقر حادثه محلی نی کوریب چیقدی
توناوون تورکیه نینگ بیتلیس ولایتیده بیر هلیکوپتر نینگ قولب توشیسشی عاقبتیده 11 حربی شهید بولرایکن, 2 حربی ایسه یره لندی.
تورکیه جمهوریتی ملی مدافعه وزیری خلوصی آقر اونینگ بیلن همراه لیک قیلگن هیئت اعضا لری بیلن بیرگه باریب حادثه محلی نی کوریب چیقدی.
آقر خوددی شوو ییر نینگ اوزیده اوشبو حادثه بیلن علاقه لی بیانات بیردی.
آقر, "دستلبکی معلومات لر و شاهد لرنینگ سوز لری گه کوره هوا وضعیتی نینگ یمان ایکن لیگی سببلی اوشبو هلیکوپتر نینگ قولب توشگن لیگی بهالنتیریلماقده. بوگون تیکشیرو لر باشله یدی. اوشبو اچچیق حادثه نینگ سببی, جزئیاتلی تیکشیرو لر نتیجه سیده انیقله نه دی. بیز لر نی جوده هم خفه قیلیب قویگن اوشبو حادثه عاقبتیده شهید بولگن قهرمان حربی لری میز گه الله دن رحمت تیلرایکن, محترم عایله لری, یقین لری, تورکیه جمهوریتی قوراللی کوچ لری و اصیل ملتی میز گه تسلیت بیلدیریب, صبر تیله یمن. یره لنگن پرسونلی میز گه عاجل شفا آرزو قیلیب قاله من" دییه قید ایتدی.
