جمهوررئیس ایردوغان: تورک تاریخی ده افغانستان اوزی گه خاص بیر اورین گه ایگه

تورکیه جمهوریتی جمهوررئیسی رجب طیب ایردوغان, ملی نجات اوروشیده تورک خلقی نی قوللب قووتله گن لیگی و تورکیه بویوک ملت مجلسی نی تن آلگن ایلک اولکه لر دن بیری ایکن لیگی سببلی افغانستان نینگ تورک تاریخیده اوزی گه خاص بیر اورین گه ایگه ایکن لیگی نی معلوم قیلدی. 

جمهوررئیس ایردوغان نینگ, تورکیه بیلن افغانستان اورته سیده گی دیپلماتیک مناسبت لرنینگ 100 ییل لیگی مناسبتی بیلن افغانستان جمهوررئیسی محمد اشرف غنی گه یوبارگن پیامی, کابل ده بولیب اوتگن مراسم ده تورکیه نینگ کابل ایلچسی اوغوز خان ارطغرول تامانیدن اوقیلدی. 

پیامیده, ایککی اولکه اورته سیده گی دیپلماتیک مناسبت لرنینگ باشله گن لیگی گه 100 ییل تولگن بولیشی گه قره می, ایککی ملت اورته سیده گی قرداشلیک اوتمیشی نینگ بوندن هم ایسکی بیر تاریخ گه باریب تقیلگن لیگی نی بیلدیرگن ایردوغان, "ایککی ملت, مولانا نینگ یخشی نیت مفکوره سی تیگره گیده بیرلشگن مشترک بیر تاریخ نی اورتاقلشماقده" دییه قید ایتدی. 

ایردوغان, پیامیده اوشبو مناسبت لرنینگ برچه ساحه لر بوییچه رواجلنتیریلیب کیله جک اولاد گه ییتکزیب بیریلیشی کیره ک ایکن لیگی نی معلوم قیلدی. 

پیامده, "افغانستان نینگ هردایم تورک ملتی نینگ قلبیده اوزی گه خاص بیر اورنی بار.  اوشبو سیوگی سلجوقی امپراطورلیگی بیلن باشله دی و جمهوریت نینگ اعلان ایتیلیشی (1923- ییل 29 اکتوبر) بیلن ینه ده رواجلندی.  ایککی اولکه یخشی و یمان کونده بیر بیر لری نی قوللب قوتلب کیلدی" دییه قید ایتیلدی.

جمهوررئیس ایردوغان, ملی نجات اوروشیده تورک خلقی نی قوللب قووتله گن لیگی و تورکیه بویوک ملت مجلسی نی تن آلگن ایلک اولکه لر دن بیری ایکن لیگی سببلی افغانستان نینگ تورک تاریخیده اوزی گه خاص بیر اورین گه ایگه ایکن لیگی نی معلوم قیلدی.

تورکیه نینگ کابل ده ایلچی لیک آچگن بیرینچی اولکه بولگن لیگی نی معلوم قیلگن ایردوغان, دوست و قرداش افغانستان خلقی نینگ یانیده بولیش و ایککی اولکه اورته سیده گی چقور مناسبت لرنی برچه ساحه لر بوییچه رواجلنتیریش اوچون جدی روشده فعالیت آلیب باریش گه دوام ایته دیگن لیک لری نی بیلدیردی.