ایردوغان عثمانی دولتی نینگ پادشاه لریدن بیری بولگن ایککینچی عبدالحمید نینگ نیوره سی بیلن سوزله شدی

عثمانی پادشاه لری دن بیری بولگن ایککینچی عبدالحمید نینگ تورتینچی نسل دن نیوره سی شهزاده عبدالکریم دوندار عثمان اوغلی, سوریه پایتختی دمشق ده حیات دن کوز یومدی. 

تورکیه جمهوریتی جمهوررئیسی رجب طیب ایردوغان, اوشبو مناسبت بیلن شهزاده عبدالکریم دوندار عثمان اوغلی نینگ اوکه سی عثمانی خاندانی نینگ رئیسی هارون عثمان اوغلی گه قونغیراق قیلیب تسلیت بیلدیردی. 

عثمان اوغلی هم, جمهوررئیس ایردوغان گه منتدارچیلیک بیلدیررایکن, دواملی اونگه دعا ایتیاتگن لیگی نی معلوم قیلدی. 

صحبتده تورکیه رادیو تلویزیونی (تی آر تی) نینگ پایتخت عبدالحمید سریالی توغریسیده هم سوز یوریتیلدی. 

هارون عثمان اوغلی, اوشبو سریال نی تماشا قیلیاتگن لیگی نی بیلدیردی. 

عینی دمده جمهوررئیس ایردوغان, هارون عثمان اوغلی نینگ عیالی و قیزی بیلن هم سوزله شدی.  اولر 26 فبروری ده 67 یاش گه تولگن جمهوررئیس ایردوغان نی توغیلگن کونی بیلن تبریکله دی.