جمهوررئیس ایردوغان باشچیلیگیده تشقی سیاست ییغیلیشی بولیب اوتدی

تورکیه جمهوریتی جمهوررئیسی رجب طیب ایردوغان باشچیلیگیده استانبولده تشقی سیاست نی بهالنتیریش ییغیلیشی بولیب اوتدی. 

جمهوررئیسلیک ارتباط لر ریاستی تامانیدن بیریلگن بیاناتده, ییغیلیشده شرقی اورته ییر دینگیزی, لیبیا, تاغلی قاره باغ و سوریه داخل منطقه مقیاسیده گی ینگی لیک لر و تورکیه بیلن اوروپا بیرلیگی اورته سیده گی مناسبت لر نینگ کوچه یتیریلیشی بوییچه تشله نه دیگن قدم لر باره سیده سوز یوریتیلگن لیگی بیلدیریلدی. 

ییغیلیشده تورکیه نینگ برچه ساحه لرده بولگن لیگی دیک, تشقی سیاستده هم دیپلماسی و دیالوگ آرقه لی قرارلی لیک بیلن اوز تاثیری نی آرتیره دیگن, حق و منفعت لری نی اسره یدیگن, اعتباری نی یوقاری پاغانه لر گه چیقاره دیگن قدم لرنی تشله یدیگن لیگی معلوم قیلیندی. 

اوشبو ییغیلیش گه تشقی ایش لر وزیری مولود چاووش اوغلی, ملی مدافعه وزیری خلوصی آقر, جمهوررئیسلیک ارتباط لر ریاستی نینگ باشلیغی فخرالدین آلتون و جمهوررئیسلیک سوزچیسی ابراهیم قلین هم اشتراک ایتدی.