چاووش اوغلی بروکسل ده بولیب اوتگن اوچره شوو لری توغریسیده معلومات بیردی

تورکیه جمهوریتی تشقی ایش لر وزیری مولود چاووش اوغلی, اوروپا برلیگی تشقی علاقه لر و خوفسیزلیک سیاست لری عالی نماینده سی جوزپ بوریل و اوروپا بیرلیگی کمیسیونی نینگ بعضی اعضا لری بیلن اوچره شدی. 

چاووش اوغلی بروکسل گه قیلگن سفری نینگ ایککینچی کونیده, اوروپا پارلمانی نینگ تورکیه راپورتری ناچو سانچیز آمور, اوروپا بیرلیگی کینگشی نینگ باشلیغی چارلز میشل و ناتو عمومی منشی سی ینس استولنتنبرگ بیلن اوچره شوو اوتکزدی. 

بروکسل ده گی اوچره شوو لری توغریسیده معلومات بیرگن چاووش اوغلی, "اوروپا بیرلیگی نینگ دسامبر آیی رهبر لر ییغیلیشی نی مثبت بهالنتیردیک.  اصلاحات لر مثبت ینگی لیک لر گه حصه قوشه دی" دییه قید ایتدی. 

چاووش اوغلی تورک وطنداش لری نینگ اوروپا بیرلیگی اولکه لری گه ویزه سیز سفر قیلیشی بوییچه بیرگن بیاناتیده ایسه, "قیین لیکن عملی بولیشی کیره ک بولگن بیر وعده" دییه قیدی.

گمرک بیرلیگی کیلیشووی نینگ ینگیله نیشی کیره ک ایکن لیگی نی بیلدیرگن چاووش اوغلی اوز سوز لری نی, "بیز نینگ جهتی میزدن بیرینچی بولیب بحث ایتیلیشی کیره ک بولگن موضوع, غرب اولکه لری نینگ بولووچی ترور تشکیلاتی پ.ک.ک – وای پی جی نی قوللب – قووتلش دن قول تارتیشی دن عبارت" شکلیده دوام ایتتیردی. 

چاووش اوغلی, تورکیه نینگ روسیه دن ساتیب آلیشی آرتیدن انقره بیلن واشنگتن اورته سیده گی مناسبت لر گه منفی تاثیر قالدیرگن اس – 400 هوا مدافعه تیزیم لری باره سیده هم سوز یوریتدی. 

مولود چاووش اوغلی, "ناتو دایره سیده کمیسیون قوریلیشی بوییچه طلبی میزنینگ حاضرگی کونده هم اعتبار ایگه سی ایکن لیگی نی اونگه بیلدیردیک.  امریکا قوشمه ایالت لری نینگ قبول قیلیشی تقدیرده, ناتو عمومی منشی سی ینس استولتنبرگ اوشبو خصوصده مثبت بیر فکر گه ایگه" دییه قید ایتدی. 

عینی دمده چاووش اوغلی, شرقی اورته ییر دینگیزی ده هایدروکاربن قیدیریلیشی بوییچه فعالیت لر توغریسیده هم سوز یوریتدی. 

چاووش اوغلی اوشبو خصوصده بیرگن بیاناتیده, "شوباعث پراگماتیک حرکت قیلیش کیره ک.  ایککی تامان نی (شمالی قبرس تورک جمهوریتی و قبرس روم قسمی نی) بیر آره گه کیتیریش ضروری.  ییغیلیش لر گه ایککی تامان نینگ هم اشتراک ایتیشی کیره ک.  فرقلی شکلده ایککی فرقلی ییغیلیش نینگ هم بولیب اوتیشی ممکن" دییه قید ایتدی.