جمهوررئیس ایردوغان انقره ده ایلچی لر بیلن صحبتیده مهم بیانات لر بیردی

تورکیه جمهوریتی جمهوررئیسی رجب طیب ایردوغان, "هیچ بیر اعتبار گه ایگه بولمه گن ماکسیمالیست نقشه لر بیلن اولکه میز نینگ قیرغاق لری گه چیگره لنتیریلیشی بوییچه اورینیش لر گه اعتراض ایته میز" دییه قید ایتدی.

بیرلیک بهانه سی بیلن تورکیه – اوروپا بیرلیگی آجنداسی دن منفی فایده له نیلیاتگن لیگی نی بیلدیرگن ایردوغان, اوز سوز لری نی, "بو سیاست, بیر تاماندن چقور مناسبت لری میز گه ضرر بیررایکن, باشقه بر تاماندن ایسه منطقه و خلق ارا مقیاسده بیر کوچ بولیش ادعاسی نی هم ضعیف لتماقده.  شرقی اورته ییر دینگیزی نی رقابت ساحه سی بولیش دن چیقاریب اوزاق مدتلی منفعت لری میز گه اویغون بیر همکارلیک منطقه سی گه ایلنتیریشی میز کیره ک" شکلیده دوام ایتتیردی. 

ایردوغان, پایتخت انقره ده گی چانکایا قصری ده اوروپا بیرلیگی اولکه لری نینگ انقره ایلچی لری بیلن اوچره شدی. 

"یونان نی بحران نی آرتیروچی فعالیت لر دن واز کیچیش گه چقیره میز" دییه قید ایتگن جمهوررئیس ایردوغان, اکتشافی اوچره شوو لرنینگ ینگی بیر دور نینگ خبر بیروچی سی بوله دیگن لیگی گه ایشانگن لیگی نی معلوم قیلدی. 

جمهوررئیس ایردوغان, سونگگی پیت لرده اوروپا بیرلیگی نینگ قبرس تورک تامانی بیلن هیچ قنده ی بیر ارتباطی نینگ بولمه گن لیگی گه دقت قره تدی. 

ایردوغان, "اوروپا بیرلیگی, قبرس مسئله سی نینگ ییچیلیشی بوییچه قنده ی بیر مثبت رول اوینه شی ممکن.  تورکیه و شمالی قبرس تورک جمهوریتی نینگ موجود بولمه گن هیچ بیر پلان نینگ اورته ییر دینگیزی ده تینچلیککه سبب بولمه دیگن لیگی ایندی درک ایتیلگن وضعیتده.  قبرس ده موفقیت سیزلیککه دوچ کیلگن سیاست لرنی تکرارلش اورنی گه ینگی و حقیقت گه تَیَنگن الترناتیف لر باره سیده بحث ایتیش کیره ک" دییه قید ایتدی.

صحبتیده, اوروپا ده گی اسلامفوبیک سیاست لر باره سیده هم بحث ایتگن جمهوررئیس ایردوغان, اوز سوز لری نی, "اسلام گه قرشی دشمن لیک, اوروپا ده یشیاتگن 6 میلیون گه یقین انسان نینگ خوفسیزلیگی گه تهدید بولیشی بیلن بیر قطارده, اوروپا ارزش لری جهتی دن هم کتته بیر معما گه ایلنماقده" شکلیده دوام ایتتیردی. 

تورکیه بیلن اوروپا بیرلیگی اورته سیده گی مناسبت لر توغریسیده ایسه ایردوغان, "اوزاق مدتلی سیاست بیلن ایجابی بیر کون ترتیبی تشکیل ایتیش و مناسبت لری میزنی قیته توزه تیش گه تیارمیز.  اولکه میز نینگ 60 ییل گه یقین اعضالیک پروسه سی بیز نینگ جهتی میزدن ستراتیژیک بیر ترجیح ایکن لیگی دیک, اوروپا بیرلیگی نینگ اولکه میز نی انیق اعضا ایتیب قبول قیلیشی هم بیرلیک نینگ کیله جگی نقطه نظری دن انتولوژیک بیر ترجیح بوله دی.  برگزیت بیلن بیرگه آرتیب کیتگن نا انیقلیق نینگ فقط گینه تورکیه نینگ اوروپا گه قوشیلیشی بیلن حقی بولگن جای گه ایگه بولیب ییچیلیشی ممکن" دییه قید ایتدی.

صحبتیده گمرک بیرلیگی نینگ هم ینگی له نیشی کیره ک ایکن لیگی نی معلوم قیلگن ایردوغان, اوز سوز لری نی, "مهاجرت بوییچه اوزگرگن حقیقت لر نظرده توتیلگن حالده, مناسبت لری میز گه حصه قوشه دیگن شکلیده بولیشی کیره ک" شکلیده دوام ایتتیردی. 

تورکیه نینگ تروریزم گه قرشی کوره ش بوییچه هیچ بیر ناتو اعضاسی اولکه نی یالغوز قویمه گن لیگی نی بیلدیرگن ایردوغان, "نیمه اوچون ناتو اعضاسی باشقه اولکه لر بیزنی یالغوزلشتیرماقده؟" دییه قید ایتدی.

جمهوررئیس ایردوغان, ینگی تور کرونا ویروس (کووید 19) پاندمی سی توغریسیده هم بحث ایتدی.

ایردوغان, "انسان لر ده تست ایتیلیش باسقیچیده گی وطنی واکسینی میزنی تائید ایتیلیشی آرتیدن ملتی میز و برچه انسان لرنینگ خدمتی گه تقدیم ایته میز" دییه قید ایتدی.