جمهوررئیس ایردوغان, کابینه ییغیلیشی آرتیدن مهم بیانات لر بیردی
تورکیه ده کرونا ویروس گه چلینگن کیشی لر سانی کونساین کمه یب بارماقده
تورکیه جمهوریتی جمهوررئیسی رجب طیب ایردوغان, ینگی تور کرونا ویروس (کووید 19) گه قرشی واکسین پروسه سی نینگ جاری هفته نینگ سونگگی گه قدر باشله یدیگن لیگی نی معلوم قیلدی.
جمهوررئیس ایردوغان, کابینه ییغیلیشی آرتیدن مهم بیانات لر بیردی.
ییغیلیشده کرونا ویروس گه قرشی کوره ش بوییچه سونگگی ینگیلیک لر باره سیده بحث ایتیلگن لیگی نی بیلدیرگن ایردوغان, کرونا دن اولگن و اوشبو ویروس گه چلینگن کیشی لر سانی نینگ کونساین کمه یب باریاتگن لیگی نی بیلدیردی.
جمهوررئیس ایردوغان, چین دن 3 میلیون دوز واکسین نینگ تورکیه گه کیتیریلگن لیگی نی بیلدیررایکن, تست باسقیچ لری نینگ تکمیل بولیشی آرتیدن, انیقلنگن اولویت گه کوره, پنجشنبه یاکه جمعه کونی تطبیق ایتیله باشله یدیگن لیگی نی معلوم قیلدی.
جمهوررئیس ایردوغان, "واقعه سانی نینگ معلوم بیر رقم گه توشیشی بیلن آلدین هم قیلگن لیگی میز دیک البته که چیکلاو لر نی باسقیچ مه باسقیچ کمه یتیره میز" دییه قید ایتدی.
