تورکیه نینگ قوراللی اوچووچیسیز اوچاق لری موفقیت نینگ سمبولی

فرانسه ده باسیلیب چیقه دیگن لیبراسیون روزنامه سی, قوراللی اوچووچیسیز اوچاق لر نینگ, تورکیه نینگ موفقیت سمبولی ایکن لیگی نی یازدی.

روزنامه خبریده, Bayraktar TB2  قوراللی اوچووچیسیز اوچاق لرنینگ تجربه لی تورک اردوسی تامانیدن فایده له نیلیاتگن لیگی نی معلوم قیلدی. 

قوراللی اوچووچیسیز اوچاق لرنینگ, انقره نینگ موفقیتی نینگ کلیدی ایکن لیگی گه دقت قره تیلگن خبرده, اوشبو اوچاق لر دن عراق, سوریه, لیبیا و قفقاز ده استفاده ایتیلگن لیگی بیلدیریلدی. 

خبرده, اوشبو اوچاق لرنینگ تورکیه نینگ تشقی سیاستی ده اوته مهم بیر رول گه ایگه ایکن لیگی معلوم قیلیندی.

روزنامه خبریده, Bayraktar TB2  قوراللی اوچووچیسیز اوچاق لرنینگ 27 ساعت اوچیش قابلیتی گه ایگه ایکن لیگی نی معلوم قیلرایکن, مصرفی نینگ هم امریکا قوشمه ایالتلری نینگ اوچووچیسیز اوچاق لری دن آز ایکن لیگی نی بیلدیردی. 

عینی دمده روزنامه, تورکیه نینگ خوددی شوو اوچاق لری نینگ ترور تشکیلاتی پ.ک.ک نینگ کوچی نی قولدن بیریب قوییشی گه سبب بولگن لیگی نی معلوم قیلدی. 

خبرده, اوشبو اوچاق لرنینگ, فبروری آیی ده سوریه نینگ شمالغربی ده کوچی نی کورسه تیب بیرگن لیگی و شونده ی قیلیب تورکیه نینگ کونساین آرتیب باریاتگن کوچی نینگ سمبولی گه ایله نیب قالگن لیگی بیلدیریلدی.