تورکیه هردایم تاتار قرداش لری نینگ یانیده دیر

تورکیه جمهوریتی تشقی ایش لر وزیری مولود چاووش اوغلی, تورکیه نینگ هردایم تاتار قرداش لری نینگ یانیده ایکن لیگی نی معلوم قیلدی. 

چاووش اوغلی بیلن تورکیه جمهوریتی ملی مدافعه وزیری خلوصی آقر, اوکراین لیک کسبداش لری بیلن بولیب اوته دیگن "2+2" ییغیلیشی گه اشتراک ایتیش و ایریم اوچره شوو لر اوتکزیش اوچون اوکراین پایتختی کیف گه تشریف بویوردی. 

قیریم تاتار لری نماینده لری بیلن اوچره شگن چاووش اوغلی و آقر, اوشبو دایره ده قیریم تاتار تورک لری نینگ رهبری و اوکراین پارلمانی اعضاسی مصطفی عبدالجمیل قیریم اوغلی, اوکراین ملت وکیلی و تورکیه دوستلیک گروپی نینگ باشلیغی رسم عمروف بیلن اوکراین ملت وکیلی ادهم چیی کوز بیلن هم اوچره شدی.

چاووش اوغلی, تویتر آرقه لی بیرگن بیاناتیده, "قیریم نینگ ناقانونی الحاقی نی تن آلمه یمیز.  قیریم تاتار تورک قرداش لری میز نینگ هردایم یانیده میز" دییه قید ایتدی.