تورکیه اینگ یخشی اولکه لر آره سیده اورین ایگلله دی

تورکیه, 189 اولکه آره سیده 54- اولکه بولیب, "جوده یوقاری انسانی رواجله نیش" کتگوری سیده اورین ایگلله دی.

بیرلشگن ملتلر تشکیلاتی رواجله نیش پروگرامی تامانیدن 2019- ییل معلومات لری گه تیارلنگن 2020- ییل انسانی رواجله نیش راپوری ترقه تیلدی.

اولکه لرنینگ رسمی احصائیه اداره لری و ایشانرلی خلق ارا موسسه لردن آلینگن معلومات لر گه کوره تیارلنگن انسانی رواجله نیش راپوری, اوزون و ساغلام حیات, معلومات ایگه سی بولیش و قبول قیلینیشی ممکن بولگن بیر حیات ستندردی کبی 3 اساسی بُعدده انسانی رواجله نیش سویه سی نینگ اوزاق بیر مدت کوزه تیلیشی بیلن تیارلندی. 

اوشبو راپور گه کوره 0,957 لیک بیر ارزش بیلن ناروی آلدین بولگن لیگی دیک ینه بیرینچی بولدی.

اوشبو اولکه آرتیدن ایسه, 0,955 بیلن آیرلند و سویس, 0,949 بیلن هانگ کانگ و آیسلند, 0,947 بیلن آلمان, 0,945 بیلن سویدن, 0,944 بیلن اتریش و هالند و 0,940 لیک ارزش بیلن دنمارک اورین ایگلله دی. 

تورکیه نینگ 2019- ییل ده گی انسانی رواجله نیشی اندکسی ارزشی 0,820 اوله راق حسابلندی.  اوشبو ارزش بیلن تورکیه, 189 اولکه آره سیده 54- اورین ایگللب "جوده یوقاری انسانی رواجله نیش" کتگوری سیده اورین آلدی.

تورکیه, اوتگن ییل ترقه تیلگن راپورده 59- اورین نی ایگللب بیرینچی مرته "جوده یوقاری انسانی رواجله نیش" کتگوری سیده اورین آلگن ایدی.