تورکیه کورفزده گی ینگیلیکلر نی خرسندچیلیک بیلن کوتیب آلدی

تورکیه جمهوریتی, کورفز منطقه سیده اختلاف لرنینگ ییچیلیشی بوییچه سونگگی کون لرده یوز بیرگن ایجابی ینگیلیکلر نی خرسندچیلیک بیلن کوتیب آلگن لیگی نی بیلدیردی. 

تورکیه جمهوریتی تشقی ایش لر وزیرلیگی, کورفز اولکه لری نینگ اختلافی نینگ ییچیلیشی بوییچه اوشبو تشبث لر بیلن علاقه لی بیانات بیردی. 

بیاناتده, "کورفز منطقه سیده 2017- ییلی نینگ جون آیی دن بیری دوام ایتیب کیلیاتگن اختلاف لرنینگ ییچیلیشی بوییچه سونگگی کونلرده یوز بیرگن مثبت ینگیلیکلر نی خرسندچیلیک بیلن کوتیب آلماقده میز.  کویت رهبریتی نینگ اختلاف نینگ ییچیلیشی اوچون حاضرگی کون گه قدر قیلگن صمیمی سعی و حرکت لری نی تقدیر بیلن کوتیب آله میز. موجود اختلاف لرنینگ شرط سیز روشده مذاکره یولی بیلن ییچیلیشی و قطر گه قره تیلگن حق سیز تحریم نینگ کیچ قالمسدن اداققه ییتیشیشی نی آرزو قیلماقده میز" دییه قید ایتیلدی. 

بیاناتده, تورکیه نینگ حاضرگی کون گه قدر بولگن لیگی دیک بوندن کیین هم کورفز ده گی قیین چیلیک لرنینگ ییچیلیشی اوچون سعی و حرکت لری نی دوام ایتتیره دیگن لیگی معلوم قیلیندی. 

سعودی عربستان, بیرلشگن عرب امیرلیک لری, بحرین و مصر, 2017- ییل 5 جون ده, "ترورچی لر نی قوللب-قووتلش"عیبلاوی بیلن قطر بیلن بولگن برچه دیپلماتیک مناسبت لری نی توخته تیب قویرایکن, اوشبو اولکه گه قره ته اقتصادی تحریم باشلتگن ایدی.  اوشبو وضعیت کورفز منطقه سیده بحران گه سبب بولگن ایدی. 

کویت نینگ واسطه چیلیک ایتیشی گه قره مسدن, حاضرچه اوشبو اولکه لر و قطر اورته سیده گی مناسبت لرنینگ عادی له شیشی بوییچه انیق بیر نتیجه بحث موضوعی ایمس.