تورکیه اوروپا- اورته ییر دینگیزی منطقه سی نینگ قلبی ده اورین آلماقده

تورکیه جمهوریتی تشقی ایش لر وزیری نینگ اورینباسری فاروق قیماقچی, تورکیه نینگ, اوروپا- اورته ییر دینگیزی منطقه سی نینگ قلبی ده اورین آلگن لیگی نی بیلدیردی

قیماقچی, اورته ییر دینگیزی اوچون بیرلیک ییغیلیشی نینگ 5 – منطقوی جلسه سیده معروضه قیلدی. 

قیماقچی کرونا ویروس پاندمی سی گه قرشی جدی کوره شیلمس لیگی تقدیرده آغیر اجتماعی, اقتصادی, بشری و سیاسی تاثیر گه ایگه بوله دیگن لیگی نی بیلدیردی. 

شونده ی قیلیب قیماقچی, اوشبو پاندمی نینگ تاثیری نینگ اینگ پس گه توشیریلیشی اوچون اوروپا- اورته ییر دینگیزی شریک لری اورته سیده گی همکارلیک نینگ حاضرگی کونده شرط ایکن لیگی نی معلوم قیلدی.

چیت ایل لیک لر گه قرشی دشمن لیک و اسلاموفوبی نینگ متحد بیر شکلده یشش امکانیت لری گه منفی تاثیر قالدیرگن لیگی نی معلوم قیلگن قیماقچی, اوشبو ضررلی آیدیولوژی گه قرشی کوره شیش نینگ یوللری نی تاپیپ ساغلام بیر سیاست آلیب باریش نینگ ضروری ایکن لیگی نی بیلدیردی. 

منطقه ده دوام ایتیاتگن اوروش لرنینگ ناقانونی مهاجرت لر گه سبب بولیاتگن لیگی نی بیلدیرگن قیماقچی, اوشبو معما نی ییچیش اوچون مشترک روشده مسئولیت آلیش کیره ک ایکن لیگی نی معلوم قیلدی.

قیماقچی, "تورکیه, اوروپا- اورته ییر دینگیزی منطقه سی نینگ قلبی ده اورین آلماقده. تورکیه اورته ییر دینگیزی بیرلیگی نینگ اساسچی اعضا لری دن بیری و اوروپا بیرلیگی اعضالیگی گه کاندید اولکه صفتیده اوروپا بیرلیگی نینگ فعالیت لری و اورته ییر دینگیزی بیرلیگی گه حصه قوشیب کیلماقده" دییه قید ایتدی.