تورکیه ملی خوفسیزلیک کینگشی جلسه سی بولیب اوتدی

تورکیه جمهوریتی ملی خوفسیزلیک کینگشی شرقی اورته ییر دینگیزیده ایرینی عملیاتی چوکاتیده تورک کیمه سی گه قره ته بیر تامانلیک قرار، خلق ارا قانونگه و متفقلیک مناسبتلریگه خلاف مداخله نی قاره له دی.

ملی خوفسیزلیک کینگشی جلسه سی جمهور باشلیغی رجب طیب ایردوغان نینگ باشچیلیگیده بولیب اوتدی.

جلسه نینگ آرتیدن نشر قیلینگن اعلامیه ده ایرینی عملیاتی دایره سیده تورک کیمه سینی (رخصت آلمه ی تلاشی قیلیش) گه قرشی تورلی ساحه ده کیره کلی آدیملرنینگ آتیله جگی بیلدیریلدی.

"قبرس تورک جمهوریتینی یوق دیب سنلگن، آرالده ایککی جمعیت و ایککی دولت نینگ موجودیتینی قبول قیلمه گن، تامانلر اوچون ییچیم سیزلیک نینگ اساسینی تشکیل ایتووچی تحمیلی حرکتلر هیچ بیر زمان قبول بولمه یدی" دییلدی.

ملی خوفسیزلیک کینگشی اعلامیه سیده عین دمده اولکه نینگ جنوب تامان چیگره سیده ترور گذرگاهی گه فرصت بیریلمس لیگی تاکییدلنگن.

اعلامیه ده آذربایجان نینگ 27 ییلدن بیری اشغال آستیده بولگن وطن توپراقلرینی قیتیریب آلیشیدن سببلی ممنونیت هم اوروغلنگن.