ایردوغان شمالی قبرس تورک جمهوریتی گه رسمی سفر بیلن تشریف بویوردی

تورکیه جمهوریتی دولت باشلیغی رجب طیب ایردوغان نیکوزیا عاجل وضعیتلر کسلخانه سی نینگ آچیلیش مراسمیده صحبت قیلدی.

شمالی قبرس تورک جمهوریتی نینگ 37 – ییل لیگی ماسبتی بیلن اویوشتیریلگن مراسملر اوچون توناون کونی پایتخت نیکوزیاگه بارگن ایردوغان جنابلری بو شهرده تورکیه نینگ حصه قوشیشی بیلن 45 کونده قوریلگن نیکوزیا عاجل وضعیتلر کسلخانه سی نینگ آچیلیشنی میزبان کسبداشی ایرسین تاتار بیلن عملگه آشیردی.

ایردوغان بو جایده بیر مژده هم بیردی.

"ینه 500 یتاقلی بیر کسلخانه نی انشالله شمالی قبرسیمیزده قوره میز" دیدی.

شمالی قبرس تورک جمهوریتی جمهور باشلیغی ایرسین تاتار ایسه ینگی تور کروناویروس (کوید-19) کوپ بولگن پیتده اوزی نینگ باش وزیر ایکن لیگینی معلوم قیلیب شولرنی ایتدی:

"بو جریانده بیزنی قوللب – قوتله گن البته آنه یورتیمیز تورکیه و اونینگ دولت باشلیغی رجب طیب ایردوغان، اورینباسری فواد اوکتای و ساغلیقنی سقلش وزیری فخرالدین کوجه ایدی" دیدی.

مراسمده سوزگه چیققن شمالی قبرس تورک جمهوریتی ساغلیقنی سقلش وزیری علی پیللی ایسه قیسقه مدت جریانیده قوریلگن نیکوزیا عاجل وضعیتلر کسلخانه سی نینگ تورکیه نینگ گلوبال معناده قنداغ بیر کوچ گه ایگه ایکن لیگینی کورستگن لیگینی اورغوله دی.

ایککی جمهور باشلیغی 46 ییل کیین قسماً آچیلگن یاپیق مره ش نی باریب کورگندن کیین شمالی قبرس تورک جمهوریتی جمهور رئیسلیگی بناسیده مطبوعاتگه یاپیق روشده اوچره شوو اوتکزدی.

اوچره شووده تورکیه بیلن شمالی قبرس تورک جمهوریتی اورته سیده گی همکارلیک نینگ ینه هم کوچه یشی اوچون آتیله دیگن آدیملر بیلن بیر قطارده قبرس دعواسی و شرقی اورته ییر دینگیزیده گی سونگگی ینگی لیکلر بوییچه فکر المه شووی عملگه آشیردی.