تورکیه بیلن روسیه قاره باغ ده گی آتشکیسین نی نظارت قیله دی

تورکیه جمهوریتی جمهورئیسی رجب طیب ایردوغان, تلفن آرقه لی, روسیه جمهوررئیسی ولادیمیر پوتین بیلن سوزله شدی.

جمهوررئیسلیک ارتباط لر ریاستی تامانیدن بیریلگن بیانات گه کوره,صحبتده, تورکیه بیلن روسیه اورته سیده گی مناسبت لر, تاغ لیک قاره باغ مسئله سی, سوریه و منطقه مقیاسیده گی موضوع لر باره سیده بحث ایتیلگن.

ایردوغان, آلدینگی آقشام هم پوتین بیلن بولگن تلفنی صحبتی ده تاغ لیک قاره باغ مسئله سی گه ییچیم یولی نینگ تاپیلیشی باره سیده توغری بیر قدم تشلنگن لیگی نی معلوم قیلدی.

تورکیه و روسیه نینگ جدی سعی و حرکت لری نتیجه سیده قولگه کیریتیلگن اوشبو موفقیت دن عادلانه و قالووچی بیر تینچلیک نینگ تامین ایتیلیشی اوچون استفاده ایتیلیشی کیره ک ایکن لیگی نی معلوم قیلگن جمهوررئیس ایردوغان, حاضرگی کونده اینگ مهم موضوع نینگ ارمنستان نینگ آتشکیسین و مشترک بیانات گه اویغون حرکت ایتیشی و وعده لری گه وفا قیلیشی دن عبارت ایکن لیگی نی بیلدیردی. 

جمهوررئیس ایردوغان, تورکیه نینگ هم ارمنستان نینگ اشغالی دن آزاد قیلینگن توپراق لرده آذربایجان تامانیدن معلوم قیلینه دیگن بیر جای ده قوریله دیگن اورتاق مرکز واسطه سی بیلن, روسیه بیلن بیرگه آتشکیسین گه ناظرلیک و کنترول فعالیت لری نی آلیب باره دیگن لیگی نی بیلدیررایکن, اوشبو دایره ده روس تامانی نینگ مهم بیر مسئولیت گه ایگه ایکن لیگی نی معلوم قیلدی. 

ایردوغان, ارمنستان تامانیدن اشغال ایتیلگن لیگی سببلی قاره باغ نی ترک ایتیش گه مجبور بولیب قالگن آذربایجان لیک لر نینگ اوز اوی لری گه قیتیب باریش لری و آذربایجان- نخجوان اورته سیده بیر دهلیز نینگ آچیلیشی نینگ مهم ایکن لیگی نی بیلدیردی. 

تاغ لیک قاره باغ مسئله سی نینگ ییچیمی بوییچه تورکیه بیلن روسیه اورته سیده گی همکارلیک نینگ اهمیتی گه دقت قره تگن ایردوغان, خوددی شوو همکارلیک نینگ سوریه مسئله سی بوییچه هم دوام ایتیشی کیره ک ایکن لیگی نی بیلدیررایکن, بو ییرده هم بونگه اوخشش بیر میکانیزم نینگ قوریلیشی نینگ ممکن ایکن لیگی نی معلوم قیلدی.