قاره باغده تورک - روس حربی مرکزی اوچون کیلیشیب آلیندی

تورکیه جمهوریتی جمهور باشلیغی رجب طیب ایردوغان تاغلی قاره باغده آذربایجان بیلن ارمنستان اورته سیده گی آتشکیسین کنترولی و تیکشیرووی اوچون تورک – روس مرکزی بیلن تیگیلشی کیلیشوو بیتیمی گه قول قوییلگن لیگینی بیلدیردی.

ایردوغان رهبری بولگن عدالت و ترقیات حزبی نینگ تورکیه بویوک ملت مجلسیده گی گروپ جلسه سیده گپیردی.

(توناون کونی عملی بولیب باشلنگن) آتشکیسین کنترولی و تیکشیرووی اوچون ایجاد ایتیلگن مشترک تورک – روس مرکزی حقیده صحبت قیلدی.

" آتشکیسین کنترولی و تیکشیرووی اوچون ایجاد ایتیله دیگن مشترک تورک – روس مرکزی بیلن تیگیشلی کیلیشوو بیتیمی گه بوگون ایرته لب قول قوییلدی. بو مرکز آذربایجان نینگ اشغالدن فوتفریب آلینگن توپراقلری اوستیده ایجاد ایتیله دی. تاغلی قاره باغده گی آتشکیسین اخلالی گه توسیق بولیش بوییچه برچه چاره – تدبیر بو مرکز تامانیدن آلینه دی. شونده ی بولیب آذربایجان توپراغیده گی و قاره باغده گی 28 ییللیک اشغال رسماً و عملاً اداغگه ییتگن بولدی. قاره باغ ینه بیر مرته ایمان (اسلام) یورتی وضعیتی گه کیلماقده، هلال نینگ سایه سیده گی حضورلیک وضعیتینی آلماقده دیر" دیب افاده ایتدی.

قاره باغده قنداغکی قیسقه مدتده عادل بیر تینچلیک تامین ایتیلگن بولسه صمیمی بیر همکارلیک بیلن سوریه ده هم شونقه بیر آدیم نینگ آتیلیشی گه ایشانه من" دیدی.

ایردوغان جنابلری "منطقه میزده و دنیاده یوز بیریب تورگن اوزگریش جریانیده اولکه لریمیزنی هم ایککی ایناغه بولیب شانه به شانه بیرگه لیکده رواجلنتیره میز، هدفلریمیزگه ییتیب باره میز.  بوندن بویان آذربایجان بیلن یقینراق کوچلی راق همکاریلک ایچیده بوله میز، مشترک کیله جگیمیزنی بیرگه لیکده قوره میز. سونگی توقنه شوولرده دواملی مسکونی منطقه لرنی آماج قرار بیریب انچه معصوم انسان نینگ حیاتینی یوقاتیشی گه سبب بولگن ارمنستان جنایتلری نینگ عکسینچه بوندن بویان هیچ بیر تینچ اهالی گه زیان ییتمس لیگی اوچون شرطلر تامین ایتیله دی" دیب گیپردی.