تورکیه ده ترور تشکیلاتی منسوبی جنگریلرگه قره ته عملیاتلر دوام ایتماقده

تورکیه نینگ حقاری ولایتی شمدینلی حدودیده بولووچی ترور تشکیلاتی پی کاکا منسوبی 5 ته جنگری تاثیرسیز وضعیت گه کیلتیریلدی.

تورکیه جمهوریتی ملی مدافعه وزیرلیگی تویتر آرقه لی بیرگن معلوماتده حقاری ولایتی شمدینلی حدودیده جنگری تاثیرسیز وضعیت گه کیلتیریلگن بولووچی ترور تشکیلاتی پی کاکا منسوبی جنگری نینگ 5 ته گه ییتگن لیگینی بیلدیردی.

مذکور بیاناتده " حقاری ولایتی شمدینلی حدودیده کشف و کوزه توو واسطه سی آرقه لی تثبیت ایتیلگن و تروریستیک هجومی اویوشتیریش تیارگرلیگی کورگن لیگی انیقلنگن 2 ته پی کاکا منسوبی تروریست جنگری قهرمان کوماندولریمیز تامانیدن تاثیرسیز وضعیت گه کیلتیریلدی" دییلدی.

ایککینچی بیاناتده ایسه خوددی شو منطقه ده ینه 3 ته پی کاکا منسوبی تروریست جنگری نینگ تاثیرسیز وضعیت گه کیلتیریلگن لیگی قید ایتیلدی.

بیاناتده "تاثیرسیز وضعیت گه کیلتیریلگن توپلم تروریست جنگری نینگ سانی 5 گه ییتدی" دییلدی.

ملی مدافعه وزیرلیگی تامانیدن بیریلگن بیاناتده شولرگه اورین بیریلدی.

"شمدینلی بالقایالر منطقه سیده تاثیرسیز وضعیت گه کیلتیریلگن 5 ته پی کاکا منسوبی تروریست جنگری نینگ دره جیک منطقه سیده یول قوریلیش ایشلریده ایشله یاتگن معصوم ایشچی قرینداشیمیزگه هجوم اویوشتیرگن تروریست گروپده اورین آلگن لیگی انیقلندی" دیب معلوم قیلینگن.

بیاناتده "خائینانه هجومده شهید بولگن شهید قرینداشیمیزنینگ انتقامی آلیندی، آلینه دی" دیب افاده ایتیلدی و منطقه ده گی تروریست جنگریلرنینگ تاثیرسیز وضعیت گه کیلتیریلیشی اوچون عملیاتلرنینگ دوام تورگن لیگی قید ایتیلدی.

حقاری ولایتی نینگ دره جیک تومنیده ترور تشکیلاتی پی کاکا منسوبی جنگریلر تامانیدن یول قوریش فعالیتلریده اورین آلگن ایش ماشینی گه قره ته اویوشتیریلگن هجوم عاقبتیده 3 نفر ایشچی شهید بولگندی.