لاوروف: تاغلیک قاره باغ مسئله سی بوییچه تورکیه بیلن همکارلیگی میز دوام ایته دی

روسیه تشقی ایش لر وزیری سرگی لاوروف, تاغلیک قاره باغ مسئله سی بوییچه تورکیه بیلن همکارلیکده فعالیت آلیب باریش گه دوام ایته دیگن لیک لری نی بیلدیردی. 

لاوروف, روسیه نینگ "کمرسانت" روزنامه سی بیلن قیلگن مصاحبه سیده, روسیه بیلن تورکیه اورته سیده گی مناسبت لر و تاغ لیک قاره باغ مسئله سی نی بهالنتیردی. 

روسیه بیلن تورکیه نینگ فرقلی منطقه لرده گی مسئله لرنینگ ییچیمی اوچون همکارلیکده فعالیت آلیب باریاتگن لیگی نی معلوم قیلگن لاوروف, "مسکو و انقره, ایگیلووچن و پراگماتیک سیاست آلیب باراله دیگن, بیر بیر لری بیلن مناسبت لر ده ستراتیژیک هدف بیلن حرکت قیلاله دیگن یقین اورتاق لر دن عبارت" دییه قید ایتدی. 

لاوروف, تاغلیک قاره باغ نینگ باشقه چه بیر مسئله دن عبارت ایکن لیگی نی معلوم قیلرایکن, اوشبو منطقه ده گی معما نینگ کوچ دن فایده له نیلیب ییچیلیشی نینگ ممکن ایمس لیگی نی بیلدیردی. 

آتشکیسین کیلیشوو لری نینگ کنترولی نی تامین ایته دیگن میکانیزم لرنینگ تشکیل ایتیلیشی نینگ اهمیتی گه دقت قره تگن لاوروف, "قالووچی بیر آتشکیسین اورنه تیلمه سه هم اوروش نینگ توخته تیلیشی, تامان لر اورته سیده دیالوگ نینگ تامین ایتیلیشی و باکو بیلن اریوان نینگ مذاکره قیلیشی اوچون منطقه ده گی برچه امکانیت لری میزی دن فایده له نیش و تورکیه بیلن همکارلیک قیلیش گه دوام ایته میز" دییه قید ایتدی.

تاغ لیک قاره باغ نینگ خلق ارا بیر مسئله گه ایله نیشی و بو ییر گه اورته شرق دن جنگری لرنینگ کیتیریلیشی بوییچه خواطرده ایکن لیک لری نی بیلدیرگن لاوروف, اوشبو خواطر لری نی آذربایجان و تورکیه بیلن بولگن اوچره شوو لر ده مطرح قیلگن لیک لری نی معلوم قیلدی.