تورکیه جمهوریتی دولتی برچه امکانیت لری بیلن زلزله دن تاثیرلنگن کیشی لرنینگ یانیده

تورکیه نینگ ازمیر ولایتی سفری حصار تومنیده یوز بیرگن 6,6 ریشترلیک ییر قیمیرلش حادثه سی عاقبتیده 25 کیشی حیاتی نی یوقاترایکن, 804 کیشی ایسه یره لندی. 

تورکیه جمهوریتی آفت و عاجل وضعیت لر اداره سی نینگ انترنت سایتی ده بیریلگن معلومات لر گه کوره, تورکیه وقتی بیلن بوگون توشدن کیین ساعت 2 دن 51 دقیقه اوتگنده ازمیر ولایتی نینگ سفری حصار تومنی ده 6,6 ریشترلیک ییر قیمیرلش حادثه سی یوز بیردی. 

زلزله نینگ 16,54 کیلومتر چقورلیک ده یوز بیرگن لیگی انیقلندی. 

اوشبو ییر قیمیرلش حادثه سی عاقبتیده ایریم بنا لر قوله دی. 

سفری حصار تومنی ده زلزله نینگ تاثیری بیلن دینگیز سووی نینگ تاشیشی نتیجه سیده بعضی جاده لر و کوچه لر نی سوو باسدی. 

عینی دمده تورکیه جمهوریتی جمهوررئیسی رجب طیب ایردوغان اوشبو زلزله دن تاثیرلنگن کیشی لر گه همدرد لیک بیلدیردی.

ایردوغان, "دولت نینگ برچه امکانیت لری بیلن زلزله دن تاثیرلنگن کیشی لرنینگ یانیده میز.  برچه اداره لری میز و وزیرلری میز بیلن بیرگه اقدام قیله باشله دیک" دییه قید ایتدی. 

جمهوررئیس ایردوغان, اوشبو حادثه بیلن علاقه لی, تلفن آرقه لی, تورکیه آفت و عاجل وضعیت اداره سی نینگ باشلیغی محمد گللی اوغلی, ازمیر والیسی یاووز سلیم کوشگر و ازمیر شهرداری تونچ سوی ار بیلن سوزله شدی. 

جمهوررئیس اورینباسری فواد اوکتای هم, تویتر آرقه لی بیرگن بیاناتیده, اوشبو حادثه دن تاثیرلنگن کیشی لر گه همدردلیک بیلدیررایکن, دولت نینگ برچه امکانیت لری بیلن اولر نینگ یانیده ایکن لیگی نی معلوم قیلدی. 

جمهوررئیسلیک سوزچیسی ابراهیم قلین, تورکیه جمهوریتی پارلمانی نینگ باشلیغی مصطفی شنتوپ, ایچکی ایش لر وزیری سلیمان سویلو, ترانسپورت و زیربنا وزیری فاتح دونمز و ساغلیق نی سقلش وزیری فخرالدین کوجه هم اوشبو حادثه دن تاثیرلنگن کیشی لر گه همدردلیک بیلدیررایکن, دولت نینگ برچه امکانیت لری بیلن اولرنینگ یانیده ایکن لیگی نی معلوم قیلدی. 

جمهوریت خلق حزبی نینگ باشلیغی کمال قلیچداراوغلی هم, ازمیر شهرداری تونچ سوی ار گه قونغیراق قیلیب حادثه بیلن علاقه لی همدردلیک بیلدیردی. 

ازمیر ده گی زلزله استانبول ده هم حس ایتیلدی. استانبول والیسی علی ییرلی قایا, زلزله نینگ استانبول ده هم حس ایتیلگن لیگی نی بیلدیررایکن, بیراق استانبول ده هیچ قنده ی بیر منفی ینگی لیک نینگ بحث موضوعی ایمس لیگی نی معلوم قیلدی. 

ییرلی قایا, ازمیرلیک لر گه همدردلیک بیلدیردی.