تورکیه ارمنستان نینگ مسکونی منطقه لرگه اویوشتیرگن هجوملرینی قاره له دی

تورکیه ارمنستان تامانیدن آذربایجانده تینچ اهالی گه قره ته "غیر انسانی هجومینی" قاره له دی.

تورکیه جمهوریتی تشقی ایشلر وزیرلیگی آذربایجان نینگ برده شهریگه اویوشتیریلگن هجومنی قاره لر ایکن ارمنستانگه اوروش جرمی گه قول اوروش نی توخته تیشی بوییچه چیقیریق قیلدی.  

تشقی ایشلر وزیرلیگیدن بیریلگن یازمه بیاناتده "آلدینگی کونی آتشکیسین ایتیب اعلان قیلینگن حالده ارمنستان نینگ آذربایجانده توقنه شوو تشقریسیده گی مسکونی منطقه لرگه قره ته دوام ایتتیرگن هجوملری نینگ برچه عمومی انسانی و اخلاقی قدریتلرنی ایاق آستیگه آلگن لیگی" اورغولندی.

ارمنستان قوراللی کوچلری تامانیدن توناون آقشم برده شهریگه قره ته اویوشتیرگن هجومیده بیرته سی باله توپلم 4 کیشی حیاتینی یوقاتیب 13 کیشی یره لنگن لیگی بیلدیریلگن بیاناتده حیاتینی یوقاتگنلرگه الله تعلی دن مغفرت یره لی لرگه عاجل شفا آذربایجان خلقی گه قیغوداشلیک بیلدیریلگن.

ارمنستان نینگ بو غیر انسانی هجوملرینی اینگ قتّیق شکلده قاره لب وجدان و مسؤلیتی بولگن اولکه لرنی ارمنستان تامانیدن قول اوریله یاتگن اوروش جرملرینی توخته تیش نی ایتیشلری بوییچه چیقیریق قیله میز" دییلدی.