تورکیه تشقی ایشلر وزیری ایتالیا میدیاسی گه بیانات بیردی

تورکیه جمهوریتی تشقی ایشلر وزیری مولود چاووش اوغلی اروپا بیرلیگی رهبرلر جلسه سیدن تورکیه – اروپا بیرلیگی مناسبتلری بوییچه اولیملی نتیجه چیقمه گن لیگینی بیلدیردی.

چاووش اوغلی ایتالیا خبر آژانسی نواگه ایککی اولکه مناسبتلری، منطقوی و خلق ارا موضوعلر ب.ییچه بیانات بیردی.

تورکیه – اروپا بیرلیگی مناسبتلریده اروپا بیرلیگی نینگ چیکلاو عملی قیلیش احتمالی و انقره نینگ بونگه قرشی جواب بیریش احتمالی بیلن تیگیشلی سوالگه شونقه جواب بیردی.

"بیز بو اروپا بیرلیگی کینگشی نینگ تورکیه – اروپا بیرلیگی اورته سیده گی دیالوگده اولیملی حصه قوشه جگینی اویلردیک. بیراق کینگش کوتیلگن نتیجه لرنی بیرمه دی. طرفسیز بولیشدن اوزاق ایدیلر و کمچیلیکلری بار ایدی. تشکیلات ایچیده گی همکارلیک نی خلق ارا قانون و تینگلیک دن برتر توتیش اوچون پروژه ریجه له گن ایدیلر. شونده ی بولیب اروپا بیرلیگی، یونان و قبرس روم نینگ تاثیری آستیگه قالدی" دیب جواب بیردی.