ایردوغان استولتنبرگ نی قبول قیلدی

تورکیه جمهوریتی جمهوررئیسی رجب طیب ایردوغان, ناتو عمومی سکرتری ینس استولتنبرگ نی قبول قیلدی. 

جمهوررئیسلیک ارتباط لر ریاستی تامانیدن بیریلگن بیانات گه کوره, استولتنبرگ و اونینگ بیلن بیرگه کیلگن هیئت اعضا لری نینگ قبولیده, تورکیه بیلن ناتو اورته سیده گی مناسبت لر و شرقی اورته ییر دینگیزی, سوریه و لیبیا کبی منطقه مقیاسی ده گی ینگیلیک لر باره سیده بحث ایتیلدی. 

ایردوغان, یونان نینگ برچه منفی حرکت لری گه قره مسدن شرقی اورته ییر دینگیزی ده تورک و یونان عسکری عنصر لری اورته سیده توقنه شوو یوز بیریش ریسکی نی کمیتیریش بوییچه ناتو نینگ تشبث لری نی قوللب- قوتلب کیلیاتگن لیک لری نی معلوم قیلدی. 

منطقه و اوروپا نینگ خوفسیزلیک و برقرارلیگی اوچون, مهاجر لر بوییچه تقریباً یککه قالگن تورکیه نینگ, لیبیا ده موازنه نی قیته تامین ایتیش اوچون صمیمی بیر شکلده سعی و حرکت قیلگن بیرته گینه ناتو متفقی ایکن لیگی نی معلوم قیلگن ایردوغان, تورکیه نینگ اوزی و متفق لری نینگ منفعت لری گه اهمیت بیرگن لیگی و ناتو اعضا لری نینگ دن هم خوددی شونده ی بیر حساسیت کوتیاتگن لیگی نی بیلدیردی. 

بیرلشگن ملت لر تشکیلاتی خوفسیزلیک کینگشی بیلن اوروپا خوفسیزلیک و همکارلیک تشکیلاتی قرار لری ده ارمنستان نینگ اشغال ایتگن آذربایجان توپراق لری نی هیچ قنده ی بیر شرط نی مطرح قیلمسدن زودلیک بیلن ترک ایتیشی نینگ بیلدیریلگن لیگی نی معلوم قیلگن ایردوغان, ایریم ناتو متفق لری نینگ ترور تشکیلاتی پ.ک.ک/پی وای دی/وای پی جی بیلن همکارلیک قیلیاتگن لیگی و فتو منسوب لری نی قوللب- قوتلیاتگن لیک لری نینگ اتفاق لیک روحی گه ضرر بیریاتگن لیگی گه دقت قره تدی. 

جمهوررئیس ایردوغان, ناتو متفق لری نینگ تورکیه بیلن انیق روشده همکارلیک قیلیشی کیره ک ایکن لیگی نی بیلدیررایکن, اتفاق نینگ فعالیت لری نینگ ضرر کورمس لیگی بوییچه ناتو نینگ اوته مهم بیر رول و مسئولیت گه ایگه ایکن لیگی نی معلوم قیلدی.