ایردوغان السراج نی قبول قیلیب اوچره شدی

تورکیه جمهوریتی جمهور باشلیغی رجب طیب ایردوغان لیبیا باش وزیری فیض السراج نی قبول قیلیب اوچره شدی.

استانبولده جایلشگن وحدالدین کوشکیده بولیب اوتگن اوچره شوو قریب 1 ساعت دوام قیلدی. بونینگ آرتیدن هیئاتلر ارا اوچره شوو بولیب اوتدی.

تورکیه جمهوریتی جمهور رئیسلیک علاقه باشقرمه سیدن بیریلگن معلوماتده بیلدیریلیششیچه، اوچره شووده اوز ارا مناسبت و منطقوی موضوعلر بحث بولگن.

جمهور باشلیغی ایردوغان، تورکیه نینگ بوتونله ی بیر هم جهتلیک بیلن لیبیانینگ یانیده توروب دوام ایته جگینی معلوم قیلیب، لیبیانینگ یگانه مشروع نماینده سی بولمیش ملی کیلیشوو حکومتی بیلن مناسبت نی کوچه یتیریش گه اورونگن لیکلرینی افاده ایتگن.

تورکیه بیلن لیبیا اورته سیده قول قوییلگن دینگیز صلاحیت ساحه لری نینگ محدودلشتیریلیشی بیلن تیگیشلی کیلیشوونینگ بیرلشگن ملتلر تشگیلاتی تامانیدن هم تایید ایتیلیشی نینگ خرسند قیلووچی حادثه ایکن لیگینی تیلگه آلگن ایردوغان لیبیانینگ بردم لیگی و برقرارلیگی اوچون تورلی همکارلیک که دوام ایتیش گه تیار ایکن لیکلرینی اورغوله دی.