ایردوغان: ارمنستان منطقه ده تینچلیککه قرشی اینگ کتته تهدید

تورکیه جمهوریتی جمهوررئیسی رجب طیب ایردوغان, ارمنستان نینگ منطقه ده تینچلیک و برقرارلیک نینگ اورته تیلیشی جهتی دن اینگ کتته تهدید دن عبارت ایکن لیگی نی بیلدیردی. 

ایردوغان, اوشبو خصوصده تویتر آرقه لی بیانات بیردی. 

جمهوررئیس ایردوغان بیاناتیده, "ینه آذربایجان گه حمله قیلگن ارمنستان, منطقه ده تینچلیک و برقرارلیک نینگ اورنه تیلیشی بوییچه اینگ کتته تهدید دن عبارت ایکن لیگی نی ینه بیر مرته کورسه تیب بیردی.  تورک ملتی, هردایم بولگن لیگی دیک, حاضرگی کونده هم برچه امکانیت لری بیلن آذربایجان لیک قرداش لری نینگ یانیده" دییه قید ایتدی. 

جمهوررئیس ایردوغان اوشبو پیامیده اوز سوز لری نی, "ارمنستان نینگ اوشبو تحریک ایتووچی هجوم لری گه قرشی کیره کلی عکس العمل نی کورسه تالمه گن خلق ارا جامعه ایککی یوزلمه چیلیک قیلیاتگن لیگی نی ینه بیر مرته کورسه تیب بیرماقده.  تقریباً 30 ییل دن بیری منسک پروسه سی تامان لری (روسیه, امریکا قوشمه ایالتلری و فرانسه) هم افسوس که اوشبو مسئله گه ییچیم یولی تاپیش گه حرکت قیلمَیبدی.  ارمنی خلقی نی, اولر نی فلاکت گه آلیب باریاتگن رهبریت لری و اولردن بیر اوینچاق دیک فایده له نیاتگن تامان لر گه قرشی کیله جک لری نی مدافعه ایتیش گه چقیررایکن, اشغال و ظلم گه قرشی کوره ش بوییچه آذربایجان نینگ یانیده بولیش گه دعوت ایته میز. بوگونگی تلفنی صحبتی میزده ینه بیر مرته درایت و قرارلی لیگی نی کوردیم آذربایجان جمهوررئیسی قرداشیم الهام علی اف نینگ.  او کیشی گه هم ایتگنیم دیک, تورکیه, 'بیر ملت, ایککی دولت' مفکوره سی بیلن, آذربایجان لیک قرداش لری میز نینگ یانیده بولیش گه دوام ایته دی" شکلیده دوام ایتتیردی.