ایردوغان فرانسه جمهور باشلیغی مکرون بیلن تیلفون آرقه لی صحبت قیلدی

تورکیه جمهوریتی جمهوررئیسی رجب طیب ایردوغان نینگ فرانسه جمهور باشلیغی امانوئیل مکرون بیلن تیلفون آرقه لی صحبت قیلگن لیگی بیلدیریلدی.   

تورکیه جمهوریتی جمهور رئیسلیک علاقه ریاستیدن بیریلگن بیاناتده، مکرون تامانیدن کیلگن طلب گه بناً بولیب اوتگن اوچره شووده تورکیه – فرانسه و تورکیه – اروپا بیرلیگی مناسبتلری بیلن بیر قطارده شرقی اورته ییر دینگیزی و منطقوی ینگی لیکلر تیلگه آلینگن.

جمهور باشلیغی ایردوغان بو اوچره شووده شرقی اورته ییر دینگیزیده گی بحران نینگ سببی نینگ تورکیه نینگ و شمالی قبرس تورک جمهوریتی نینگ منطقه ده گی مشروع حقلرینی یوق دیب کوریلگن لیگی ایکن لیگی گه اشاره قیلیب فرانسه نینگ یونان و جنوبی قبرس نینگ بحران یراتووچی آدیملرینی قوللب – قوتله گن لیگی گه لال قالگن لیگینی بیلدیردی.  

تورکیه نینگ هیچ کیم نینگ حقی گه کز قویمه گن لیگینی بیراق اوز حقلرینی هم هیچ کیم گه ییدیرمس لیگینی اورغوله گن ایردوغان جنابلری هرداییمگی کبی بوگونگی کونده هم مسئله لرگه ییچیم اوچون دیالوگ همکارلیک نی حمایه قیلگن لیکلرینی افاده ایتدی.

بحراننی کمه یتیریش اوچون دیپلوماسی فرصتلردن فایده لنیش و اوچره شوولرنینگ دوام ایتیشی کره ک لیگینی اورغوله گن ایردوغان برچه مسئله لرنی میزنینگ اطرافیده تیلگه آلماقچی ایکن لیکلرینی قید ایتدی.

جمهور باشلیغی ایردوغان بو جریانده فرانسه دن هم صمیمی و توغری بیر یانداشوو ایچیده بولیشینی کوتگن لیکلرینی تورکیه – فرانسه اورته سیده مشوره و علاقه میکانیزمی نینگ فعال توتیلیشی نینگ اهمیتی گه تیگیندی.

ایردوغان اروپا بیرلیگی رهبرلر جلسه سیدن تورکیه بیلن تیگیشلی صمیمی ملاقات و همکارلیک نی تشویق ایتووچی بیر یانداشوونینگ اورته گه چیقیشی نینگ هم منطقوی مسئله لرنینگ ییچیمی اوچون اهمیت گه سزاوار ایکن لیگینی قید ایتدی.