ایردوغان بیلن مرکل نینگ اوچره شووی بولیب اوتدی

تورکیه جمهوریتی جمهور باشلیغی رجب طیب ایردوغان، آلمان باش وزیری آنگلا مرکل بیلن ویدیو کنفرانس آرقه لی اوچره شدی.

اوچره شووده شرقی اورته ییر دینگیزیده گی ینگی لیکلر قاله ویرسه منطقوی مسئله لر و اوز ارا مناسبتلر قولگه آلینگن لیگی بیلدیریلدی.

ایردوغان بو اوچره شووده شرقی اورته ییر دینگیزیده تورکیه بیلن قبرس تورک خلقی نینگ حقلری نینگ قوریقله گن لیگی و برچه قیرغاقداش اولکه لر قازانه دیگن عدالتلی اولوش طرفداری ایکن لیکلرینی معلوم قیلیب یونان و روم تامانی بیلن اولرنی قوللب – قوتله گن اولکه لرنینگ ییچیم سیزلیک و بحراننی تیرمه نیتیره دیگن آدیملر آتگن لیگینی افاده ایتدی.

یونان نینگ خودبین و حقسیز یانداشووی نینگ بعضی بیر اولکه لر تامانیدن قوللب – قوتلنیشی نینگ قبول ایتیلیشی نینگ ممکن ایمس ایکن لیگینی ایتگن ایردوغان جنابلری، خلق ارا قانوننی یوق قیلگن تشبثلرگه قرشی تورکیه نینگ حق و منفعتلرینی هردایم هرجایده قوریقلش لرینی اورغوله دی.

جمهور باشلیغی ایردوغان، شرقی اورته ییر دینگیزیده یونان و اونی قوللب – قوتله گن اولکه لرنینگ منطقوی تینچلیک که زیان ییتکیزووچی آدیملری بیلن یراتگن بحران گه قرشی ییچیم تاپیش اوچون حصه قوشیش اورونیشلرینی ممنونیت بیلن کوتیب آلگن لیکلرینی تیلگه آلدی.