ایردوغان: تورکیه اطرافیده گی دینگیزلرده اوز حقینی آله دی
تورکیه نینگ اورته ییر دینگیزیده هم اژه دینگیزیده هم و قاره دینگیزده هم حقینی آله جگینی ایتدی
تورکیه جمهوریتی جمهور باشلیغی رجب طیب ایردوغان تورکیه نینگ اورته ییر دینگیزیده هم اژه دینگیزیده هم و قاره دینگیزده هم حقینی آله جگینی ایتدی.
ایردوغان موش ولایتیده گی ملازگیرت ملی پارک ساحه سیده ملازگیرت ظفری نینگ 949- ییل لیگینی نشانلش پروگرامیده قیلگن صحبتیده شرقی اورته ییر دینگیزیده گی بحران بیلن تیگیشلی اوله راق؛
"قیله میز دیگن بولسک، قیله میز و جوابینی هم بیره میز. قرشیمیزگه چیقماقچی بولگن، بویورسین کیلسین. یوقسه آلدیمیزنی آچسینلر" دیب ایتدی.
جمهور باشلیغی ایردوغان،
"بیزانس نینگ ورثه لیگی هم لایق بولالمه گنلرنینگ بوگون آرقه لریگه اروپالیکلرنی آلیب حقسیزلیک، حقوقسیزلیک، ساخته کارلیک اورونیشلری تاریخدن عبرت آلمه گن لیکلرینی کورستماقده دیر" دیدی.
ایردوغان تورکیه نینگ هیچ کیم نینگ توپراغی گه، حاکمیتی گه، منفعتی گه کوز قویمه گن حالده اوزیگه عاید بولگنلردن هم اصلا واز کیچمس لیگینی بیلدیردی.
"مخاطب لریمیزنینگ اوزلرینی توزه تیش گه، محو بولیب کیتیشلریگه سبب بوله دیگن ینگلیشلردن اوزاق توریش گه دعوت ایته میز." دیدی ایردوغان جنابلری،
تورکیه نینگ ایندی صبر و چیدمی، قرارلی لیگی، امکانیتلری و جسارتی سینله دیگن اولکه ایمس ایکن لیگین همه نینگ کوریشینی خواهله گن لیکلرینی اورغوله دی.
جمهور باشلیغی ایردوغان؛
"تورکیه گه قره ته عملیات اویوشتیریش حوص لری پوچ بولگنلر خواهله گن فرصت نی تاپالمه یدیلر" دیدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی
