تورکیه تشقی ایشلر وزیری بیلن ناتونینگ باش منشیسی نینگ اوچره شووی بولیب اوتدی

ورکیه تشقی ایشلر وزیری مولود چاووش اوغلی، ناتونینگ باش منشیسی جنس ستولتنبرگ بیلن تیلفون آرقه لی اوچره شدی. 

بو اوچره شووده شرقی اورته ییر دینگیزی و لیبیاده گی سونگی وضعیت قولگه آلینگن لیگی بیلدیریلدی.

اوچره شوو بیلن تیگیشلی ناتودن بیریلگن بیاناتده بیلدیریلیشیچه، ستولتنبرگ شرقی اورته ییر دینگیزیده گی بحران بیلن تیگیشلی خواطرینی افاده ایتیب دیالوگ و بحران نینگ کمه یشی نینگ منطقه نینگ منفعتی گه ایکن لیگینی اورغوله گن.

وضعیت نینگ تشکیلات همکارلیگی روحی بیلن خلق ارا قانون گه ماس شکلده ییچیم تاپیش کیره ک لیگینی ایتگن ستولتنبرگ تورکیه بیلن یونان نینگ اونلب ییلدن بیری ناتو متفقی ایکن لیگینی ایسله تیب اوتگن.

لیبیا توغریسیده بیرلشگن ملتلر تشکیلاتی بحرانگه سیاسی ییچیم تاپیش اوچون آلیب بارگن فعالیتلرنی ناتو تامانیدن قوللب – قوتلنگن لیگینی بیلدیرگن ستولتنبرگ، لیبیاده گی تامانلر بیلن خلق ارا همجمعیت نینگ بیرلشگن ملتلر تشکیلاتی باشچیلیگیده گی جریاننی قوللب قوتلشی و بیرلشگن ملتلر تشکیلاتی قورال چیکلاوینی رعایت قیلیشی کیره ک لیگینی ایتگن.  

ستولتنبرگ ناتونینگ لیبیاده تینچلیک و بردملیک نینگ تعامین ایتیلیشی اوچون (2020 جنوری) برلین جریانینی قوللب – قوتله گن لیگینی افاده ایتدی.