تورکیه: لیبیا مسئله سی گه سیاسی بیر ییچیم یولی تاپیله دیگن لیگی گه ایشانه میز

تورکیه جمهوریتی جمهوررئیسلیک سوزچیسی ابراهیم قلین, لیبیا مسئله سی بوییچه سیاسی بیر ییچیم یولی نینگ تاپیله دیگن لیگی گه ایشانیاتگن لیک لری نی معلوم قیلدی. 

قلین, "لیبیا نینگ هیچ بیر جایی ده حربی ییچیم یولی گه طرفدار ایمس میز. اوشبو مطلب نی هردایم ایتیب کیلگن میز" دییه قید ایتدی. 

قلین, الجزیره تلویزیونی بیلن قیلگن مصاحبه سیده, تورکیه نینگ قطر و باشقه بعضی اولکه لر بیلن بیرگه لیبیا ده گی سیاسی تشبث لر نی قوللب- قوتلش اوچون او ییرده ایکن لیگی نی بیلدیردی.

لیبیا ده سیاسی بیر ییچیم یولی نینگ تاپیله دیگن لیگی گه ایشانیاتگن لیک لری نی بیلدیرگن قلین, سرت و جفره ده بیر ییل لیک بیر مدت بیلن حربی تنشبث لر قیلینگن لیگی سببلی خواطرده ایکن لیک لری نی معلوم قیلدی.

اوشبو وضعیت نینگ تینچلیک و لیبیا نینگ ارضی تمامیتی گه قرشی بیر تهدید دن عبارت ایکن لیگی نی معلوم قیلگن قلین, تورکیه نینگ لیبیا نینگ بولینیشی بیلن علاقه لی رسمی و رسمی بولمه گن برچه پلان لر گه مخالف ایکن لیگی نی بیلدیردی. 

ابراهیم قلین, تورکیه نینگ, لیبیا نینگ هیچ بیر جایی ده حربی بیر ییچیم یولی گه طرفدار ایمس لیگی نی بیلدیررایکن, "او ییرده حربی کوره ش نینگ دوام ایتیشی نی خواهلمه گن لیگی میز نی هردایم ایتیب کیلگن میز" دییه قید ایتدی. 

لیبیا مسئله سی بوییچه هیچ قنده ی بیر دولت گه مخالفت قیلیش گه طرفدار ایمس لیک لری نی معلوم قیلگن قلین, مصر نینگ لیبیا نینگ قوشنی سی ایکن لیگی نی بیلدیررایکن, لیبیا مسئله سی توغریسیده مثبت رول اوینه شی نینگ ممکن ایکن لیگی نی معلوم قیلدی.

قلین, "اصلی گه قره گنده او ییرده بیز نی خواطر گه سالیاتگن نرسه, روسیه نینگ واگنر سنگری اجیر عسکر لری نینگ موجودیتی و بیرلشگن عرب امیرلیک لری نینگ لیبیا نینگ شرقی ده گی مشروع بولمه گن قوراللی کوچ لرنینگ باشلیغی خلیفه حفتر نی قوللب- قوتلش اوچون سودان, نیجر و چاد کبی اولکه لردن اجیر عسکر لر کیتیرگن لیگی دن عبارت" دییه قید ایتدی. 

سرت و جفره نینگ قوراللسیزلشتیریلیشی بوییچه طلب نینگ اهمیت بیریلیشی ممکن بولگن بیر فکر ایکن لیگی نی بیلدیرگن قلین, اوز سوز لری نی, "لیبیا حکومتی سرت و جفره نی قورالسیزلشتیریش شرایطی گه ایگه بولسه اولر نی قوللب- قوتلیمیز.  بیراق اوشبو فعالیت نینگ عادلانه و تینیق بیر شکلده عملی بولیشی کیره ک. اوشبو شهر لرنینگ سیاسی ییچیم اوچون بیر یول بولیشی ممکن" شکلیده دوام ایتتیردی.

تورکیه نینگ شرقی اورته ییر دینگیزی ده (شرقی آقدینگیز- شرقی مدیترانه) بحران نینگ موجودیتی گه طرفدار ایمس لیگی نی بیلدیرگن قلین, اورته ییر دینگیزی گه قیرغاغی بولگن اولکه لرنینگ منطقه نینگ تینچلیک و رفاهی گه حصه قوشیشی و طبیعی منبع لری دن عادلانه فایده له نیشی نینگ ممکن ایکن لیگی نی ایسله تیب اوتدی.