جمهوررئیس اردوغان مهم بیانات لر بیردی

تورکیه جمهوریتی جمهوررئیسی رجب طیب اردوغان, استانبول ده جمعه نمازی نی اوقیشی آرتیدن مهم بیانات لر بیردی. 

اردوغان, شرقی آقدینگیز ده تحقیقاتگن قیلیاتگن تورک کیمه لری گه قره تیلگن اینگ کیچک حمله نینگ هم جوابسیز قالمیدیگن لیگی نی بیلدیردی. 

جمهوررئیس اردوغان, "عروج رئیس 23 آگست گه قدر فعالیت لری نی دوام ایتتیره دی.  اوشبو خصوصده آلمان باش وزیری آنگلا مرکل بیلن صحبت ایتدیک.  او بیزدن, اوشبو ایش نینگ ینه ده یومشاق راق بیر طرزده عملگه آشیریلیشی نی التماس قیلدی. کیلیشیب آلدیک.  حرمتلی باش وزیر, یونان باش وزیری کریاکوس میچوتاکیس بیلن اوچره شدی.  میچوتاکس گه هم بیز گه ایتگن گپ لری نی ایتگن بولیشی نی امید ایتماقده من" دییه قید ایتدی. 

میچوتاکس نی خلق ارا حقوققه حرمت کورسه تیش گه چقیرگن اردوغان, اوز سوز لری نی, "غربی تراکیا ده بیز نینگ نسلی میز دن بولگن کیشی لرنینگ قبرستانی گه اوق اوزدی لر.  بولر مثبت ینگیلیکلر دن عبارت ایمس. بیز نسلی میز دن بولگن کیشی لرنینگ تیریگی و اولیگی نی یالغوز قویمیمیز.  وقتی کیلگنده کیره کلی اقدام نی قیله میز.  بونی هم انیق ایتیب بیرگن بوله ی" شکلیده دوام ایتتیردی. 

تورکیه جمهوریتی تشقی ایش لر وزیری مولود چاووش اوغلی, شرقی آقدینگیزده گی بحران نینگ سببی نینگ تورکیه ایمس, بلکه یونان ایکن لیگی نی بیلدیردی. 

چاووش اوغلی, سویس لیک کسبداشی ایناسیو کاسیس بیلن اوچره شیشی آرتیدن مطبوعاتی کنفرانس ترتیب له دی. 

"شرقی آقدینگیز ده بحران آرتدی. بیراق بونینگ مسئولی تورکیه ایمس, یونان دن عبارت" دییه قید ایتگن چاووش اوغلی, سوز لری نی, "بیز برمه کارلیک فعالیت لری میز نی باشله تیش اوچون 2018- ییل گه قدر صبر بیلن کوتیب توردیک.  یونان و قبرس روم رهبریتی ایسه 2000 – ییلدن باشلب بیر تامانلمه اوله راق فعالیت لری نی باشله دی لر" شکلیده دوام ایتتیردی. 

تورکیه نینگ هم اقدام قیلیش گه مجبور بولگن لیگی نی بیلدیرگن چاووش اوغلی, "اوروپا بیرلیگی اولکه لری و اینیقسه حاضرگی دور باشلیغی بولگن آلمان نینگ التماسی گه بناً بیز یخشی نیتلی حرکت قیلدیک.  اوتکینچی اوله راق فعالیت لری میز نینگ توخته تیلیشی نی التماس قیلگن ایدی لر.  بیز یخشی نیتلی حرکت قیلدیک.  بیراق اوشبو پروسه ده یونان, آلمان و باشقه اولکه لر دن خبرسیز باریب مصر بیلن کیلیشوو امضاله دی.  بو یخشی نیتلی بیر حرکت دن عبارت ایمس" شکلیده دوام ایتتیردی.

چاووش اوغلی, "کیلیشوو گه قره مسدن بو اولکه لر و اوروپا بیرلیگی سعی و حرکت قیلرایکن, یونان نینگ بونده ی قیلگن لیگی نی قبول ایتیش ممکن ایمس. بیز اوشبو کیلیشوو آرتیدن سیسمیک تحقیقات کیمه میز دن عبارت عروج رئیس نی منطقه گه یوباردیک.  بیز دیپلماسی گه طرفدار میز. یونان نینگ, 'قاعده لر نی مین انیقلیمن' دییشی تقدیرده, ایش لر بونده بولمیدی.  یونان عروج رئیس کیمه سی گه حمله قیلسه, جواب قیتریله دی" دییه قید ایتدی.