تورکیه تشقی ایشلر وزیری بیلن اروپا بیرلیگی فوق العاده نماینده سی نینگ اوچره شووی بولیب اوتدی

تورکیه جمهوریتی تشقی ایشلر وزیری مولود چاووش اوغلی تورکیه نینگ شرقی آقدینگیزده ابدگچه منفعتینی قوریقلش گه دوام ایته جگینی بیلدیردی.

تورکیه جمهوریتی تشقی ایشلر وزیری مولود چاووش اوغلی، مالته ده اروپا بیرلیگی تشقی علاقه لر و خوفسیزلیک پولیتیکاسی فوق العاده نماینده سی جوزیپ بوریل بیلن اوچره شوو  اوتکزدی.

چاووش اوغلی تویتر ارقه لی بیرگن معلوماتیده؛

"اروپا بیرلیگی بیلن مناسبتلریمیزنینگ بعضی بیر اعضا مملکتلر تامانیدن توسیق بولیب قوییلیشی گه رخصت بیرمسلیک کیره ک.  کوچ توغریسیده اروپا بیرلیگی وعده سیگه وفا قیلیشی کیره ک.  تورکیه نینگ شرقی آقدینگیزده ابدگچه منفعتینی قوریقلش گه دوام ایته دی" دیب افاده ایتدی.

مالته جمهور باشلیغی گیئورگه ویلا تورکیه جمهوریتی تشقی ایشلر وزیری مولود چاووش اوغلینی قبول قیلیب اوچره شدی.

چاووش اوغلی تویتر ارقه لی بیرگن معلوماتیده؛

"ویلاگه جمهور باشلیغیمیز رجب طیب ایردوغان نینگ یخشی تیلک لرینی تقدیم ایتدیک. مالته تشقی ایشلر وزیری بولگن پیتده قول قوییلگن کیلیشوولر مناسبتیمیزنینگ رواجلنیشی گه حصه قوشدی. لیبیاده گی بحران و قاچاق کوچ توغریسیده مالته بیلن مشترک فعالیت آلیب باره میز" دیب افاده ایتدی.