آذربایجان - تورکیه حربی سینشی حقیده تورکیه مدافعه وزیرلیگی تامانیدن معلومات بیریلدی

تورکیه بیلن آذربایجان هوا و ییر کوچلری، آذربایجانده کینگ – کولملی مشترک حربی سینش دوام ایتماقده.

تورکیه جمهوریتی ملی مدافعه وزیرلیگی تامانیدن اجتماعی ترماق آرقه لی بیریلگن بیاناتده،

""آذزبایجان – تورکیه عملی اوق اوزیش مشترک حربی سینشی باکو و نخجیوانده عین زمان تورکیه دن ییر و هواچیلیک کوچلری نینگ هم قتنه شیشی بیلن دوام ایتماقده" دییلدی.

اجتماعی ترماقده حربی سینش نینگ فوتو تصویرلری هم نشر قیلیندی.

هوا کوچلری بیلن باشلنگن حربی سینش گه ایککی اولکه دن حربی اوچاق و هلیکوپترلر اورین آلماقده.

باکو، نخجیوان، گنجه، کُردیمیر و یوله ده دوام ایته دیگن حربی سینش 10 اگستده اداغگه ییتیب باره دی.

ییر کوچلری نینگ سینشی ایسه باکو و نخجیوانده 1-5 اگستده اوتکزیله دی.

حربی سینشده زره واسطه، توپ و هاوان فیرلری آرقه لی تمثیلی دشمن موضعلری آماج قرار بیریله دی.

باشقه تاماندن جمهور باشلیغی اورینباسری فواد اوکتای، مشترک حربی سینش بیلن تیگشلی اجتماعی میدیا ترماغیدن بیر پیام ترقه تدی.

اوکتای اوز پیامیده؛

"قرینداش آذربایجان بیلن هردایم هر شرطده بیرگه لیکده حرکت ایتیش گه دوام ایته میز. برچه امکانیتیمیز بیلن قرینداشلریمیزنینگ یانیده بولیب توره میز" دیب افاده ایتدی.