تورکیه بورسیه لری بیلن کونگیلدن کونگیل گه بیر یول قوریلدی

تورکیه جمهوریتی نینگ چیت ایللرده گی تورک لر و قرینداش جمعیت لر اداره سی نینگ باشلیغی عبدالله اره ن, تورکیه نینگ بورسیه لری بیلن کونگیلدن کونگیل گه بیر یول قوریلگن لیگی نی معلوم قیلدی. 

اوشبو اداره نینگ میزبانلیگی بیلن پایتخت انقره ده "9- خلق ارا فراغت مراسمی" بولیب اوتدی. 

عبدالله اره ن, اوشبو مراسمده قیلگن معروضه سیده, تورکیه نینگ چیت ایللرده گی تورک لر و قرینداش جمعیت لر اداره سی نینگ هردایم چیت ایللیک اوقووچی لر بیلن همکارلیک قیلیب کیلگن لیگی نی بیلدیردی. 

اره ن, "تورکیه اوشبو بورسیه لر اوچون سیزدن مادی بیر نرسه طلب قیلمیدی.  البته که اوشبو بورسیه لر بیلن کونگیلدن کونگیل گه بیر یول قوریلماقده" دییه قید ایتدی. 

عبدالله اره ن, جاری ییل ده فارغ بولگن 2 مینگ 500 اوقووچی و دنیا نینگ فرقلی اولکه لریده گی 150 مینگ دن آرتیق تورکیه فارغ لری گه قره ته معروضه قیلدی. 

اره ن, "بیز بیرینچی دن, فارغ بولیشینگیز آرتیدن عایله نگیز, تیگره گینگیز و یورتینگیز گه فایده لی بولیشینگیز,  ایککینچی دن, تورکیه و اولکه نگیز اورته سیده گی مناسبت لرنینگ مستحکم له نیشی بوییچه حصه قوشیشینگیز و اوچینچی دن ایسه,  تورکیه نینگ خلق ارا عدالت و وجدان بوییچه کوره شی نی کونگیلدن قوللب- قوتله شینگیز نی خواهلیمیز.  سیز, تورکیه نینگ اجتماعی تاریخیده اورین ایگلله دینگیز.  ایندی, تورکیه سیزنینگ ایککینچی وطنینگیز.  هردایم سیزنی تورکیه ده کوته میز" دییه قید ایتدی. 

اره ن, جاری ییلده فارغ بولگن اوقووچی لرنینگ, 30 گه یقین اولکه ده 150 مینگ دن آرتیق اعضاسی بولگن تورکیه فارغ لری اویوشمه سی گه هم اعضا بولیش لری نی توصیه ایتدی. 

صحبت لر آرتیدن اره ن, عالی بیلیم یورت لری نی یوقاری درجه بیلن توگتدن 11 اوقووچی گه ساوغه لری نی تاپشیردی. کیین مراسم گه اشتراک قیلگن اوقووچی لر کلاه لری نی هوا گه آتدی. 

مراسم, تورکیه بورسیه لری صنعت جمعیتی موسیقی گروهی نینگ کنسرتی و ترتیب لنگن دعوت گه اشتراک ایتیلیشی آرتیدن فارغ بولگن طلبه لرنینگ عایله لری نینگ یوبارگن ویدیویی پیام لرنینگ کورسه تیلیشی بیلن اداققه ییتدی.