تورک ساحل خوفسیزلیک کوچلری یوزلب کیشی قاچقین نی قوتقریب آلدی

تورک ساحل خوفسیزلیک کوچلری اروپاگه اوتیب باریش اوچون یولگه قوییلگن قاچقینلر یونان تامانیدن تورک دینگیز ساحه سیگه هیده ب یوباریلیشی بیلن چاره سیز بولیب اورته ده قالگن لیگی و قوتقریب آلگن لیکلری بیلدیریلدی.

یونان تامانیدن سونگی 1 آیده تورک دینگیز ساحه سیگه هیده ب یوباریلگن 929 نفر قاچقین تورک ساحل خوفسیزلیک کوچلری تامانیدن قوتقریب آلینگن.

تورک دینگیز ساحه سیده قتتیق فعالیت یوروتگن ساحل خوفسیزلیک قومندانلیگی 22 جونده 3 نقطه (ازمیر، چاناق قلعه و بلیق اسیر) ده اویوشتیرگن عملیاتلر آرقه لی توپلم 124 نفر قاچقین نی قوتقریب آلگن.

ساحل خوفسیزلیک کوچلری تامانیدن 20 جولایده بلیق اسیرده آلیب باریلگن قوتقریش عملیاتیده ایسه آرالده بند بولیب قالگن قاچقینلر قوتقریب آلیندی.

یونان ساحل خوفسیزلیک کوچلری تامانیدن هیده ب یوباریلگن و آیوالیک تومنی دینگیز ساحه سیده گی چیپلاق آرالده بند بولیب قالگن 39 نفر قاچقین تورک ساحل خوفسیزلیک کوچلری تامانیدن قوتقریب آلیندی.

ساحل خوفسیزلیک قومندانلیگی نینگ راپوریگه معلوم قیلینیشیچه، جاری ییلده 1 جنوری 22 جولای آره سیده دینگیز یولی آرقه لی یونانگه اوتیب بارماقچی بولگن 12 مینگ 609 کیشی قاچقین قولگه آلینگن.

جولای آیی نینگ 1-22 تاریخلری آره سیده قولگه آلینگن قاچقین سانی 882 کیشی بولدی.

جاری ییلده ساحل خوفسیزلیک کوچلری تامانیدن ییرده تثبیت ایتیلگن دینگیزگه ییتیشمه ی جاندارم و امنیه قومندانلیگی کوچلری تامانیدن قولگه آلینگن قاچقین سانی ایسه 130 ته سی جولای آییده بولیب توپلم 4 مینگ 511 گه ییتدی.