جوزجانده بیر تورک داکتر تامانیدن قوریلگن مکتب نینگ آچیلیش مراسمی بولیب اوتدی

بیر خیر طلب تورک داکتر متین کولونک تامانیدن افغانستان نینگ شمالیده جایلشگن جوزجان ولایتیده قوریلگن 1 مینگ 500 اوقیووچی ظرفیتیده گی 16 صنفلیک مکتب نینگ آچیلیش مراسمی بولیب اوتدی.

مکتب نینگ آچیلیش مراسمیده چیقیب صحبت قیلگن جوزجان حاکمی اورینباسری عبدالقادر مالیه، افغانستان نینگ ترقی قیلیشی اوچون تعلیم نینگ کتته اهمیتی بولگن لیگی شونده ی بولیب باله لرنینگ مکتب گه باریشلری اوچون تشویق ایتیلیشی کیره کی لیگینی ایتدی.

مالیه افغانستانده تعلیم ساحه سیده بونقه بیر پروژه نی عملی قیلگن کولونک که منتدارچیلیک بیلدیریب بو مکتب نینگ منطقه خلقی نینگ تعلیم کمچیلیگینی برطرف ایته جگینی قید ایتدی.  

قویاش یاردم لشیش و ترقیات اویوشمه سی باشلیغی نور محمد قاریزاده هم کولونک نینگ آته سی عبدالرحمان کولونک نینگ اتیگه قورگن بو مکتب نی بیتکزگن اوقیووچیلرنینگ تورکیه ده بورسلی بولیب تعلیم آلیشلری اوچون همکارلیک قیله جگینی افاده ایتدی.

بو مکتبده مودرن بیر لابراتوار و کمپیوتر صنفی هم ایجاد ایتماقچی ایکن لیکلرینی تیله آلگن قاریزاده عبدالرحمان کولونک لیسه سی نینگ 150 مینگ دالر خرجت کوترگن لیگینی اورغوله دی.

قاریزاده ایککی قواتلی و 16 صنفلیک مکتبدن 1 مینگ 500 اوقیووچی نینگ فایده لنیشی نینگ ممکن ایکن لیگینی بیلدیردی.

شعر اوقیشلری بیلن دوام ایتگن پروگرام فیته کیسیش مراسمی بیلن اداغگه ییتیب باردی.