تورکیه ده ایشچیلرگه هجوم اویوشتیرگن تروریست جنگریلر تاثیرسیز وضعیت گه کیلتیریلدی

ایچکی ایشلر وزیرلیگی وان ولایتی نینگ چتاق چیکه حدودیده 28 جونده اویوشتیریلگن عملیاتده تاثیرسیز وضعیت گه کیلتیریلگن تروریست جنگریلردن بیرته سی نینگ قیدیروو رویخطیده اورین آلگن موسی بولان ایکن لیگینی بیلدیردی.

وزیرلیکدن بیریلگن بیاناتده ایتیلیشیچه، 28 جونده امنیه عمومی قومندانلیگی و جاندارم عمومی قومندانلیگی تامانیدن مشترک اویوشتیریلگن عملیاتده، تاثیرسیز وضعیت گه کیلتیریلگن تروریست جنگریلردن بیرته سی نینگ 500 مینگ لیره مکافات بیلن قیدیروو رویخطیده اورین آلگن اواریش کود آتلی موسی بولان ایکن لیگی انیقلنگن.

ایریم تروریست جنگریلرنینگ اوزیچه بوستان ساحه YJA Star قومندان اورینباسری سریا کود آتیده گی مه یری قاپلان و ویژین کود آتیده گی بسنا تومان ایکن لیگی بیلدیریلدی.

تاثیرسیز وضعیت گه کیلتیریلگن تروریست جنگریلرنینگ 8 جونده وان ولایتی نینگ چتاق تومنی بلبوکه چیکه حدودیده یول توزه تیش ایشلریده ایشله یاتگن ایشچیلرنی تشووچی موترنی اماج قرار بیریب هجوم اویوشتیرگن و 8 ایشچی نینگ یره لنیشی گه 2 ایشچی نینگ اولیشی گه سبب بولگن لیکلری بیلدیریلگندی.