جمهور باشلیغی ایردوغان سربرنیتسا نسل قیرغینی پروگرامی گه ویدیوئی پیام آرقه لی قتنشه دی

جمهور باشلیغی رجب طیب ایردوغان، بوسنیا هرزگویناده سربرنیتسا نسل قیرغینی نینگ 25 – ییلی مناسبتی بیلن 11 جولای شنبه کونی اویوشتیریله دیگن ایسلش پروگرامی گه قتنشه دی.

تورکیه نینگ سرای بوسنیا بویوک ایلچیسی خالدون قوچ، 1995- ییل نینگ جولای آییده 8 مینگدن آرتیق بوسنیالیک تینچ اهالی صرب کوچلری تامانیدن اولدیریلگن سربرنیتسا نسل قیرغینی نینگ بو ییلگی یاد ایتیش پروگراملری نینگ ینگی تور کروناویروس (کوید-19) باعث محدود بیر قتنشیش بیلن بولیب اوته جگینی بیلدیردی.

قوچ جنابلری، جمهور باشلیغی ایردوغان نینگ خوددی تاریخده بوسنیا هرزگویناگه قیلگن سفری چاغیده نسل قیرغینی قربانلری نینگ سرای بوسنیادن پوتوچاری گه جونه تیش پروگرامی گه قتنشگنینی ایسلتدی.

"بو ییل ایسه جمهور باشلیغی ایردوغان ویدیوئی پیام جونتدی. 11 جولایده پوتوچارنی ایسلش مرکزیده پیامینی تماشا قیله میز" دیدی بویوک ایلچی.

سربرینتساده یوز بیرگن بشری جرم نینگ اونوتیلمس لیگی و یوز بیرگنلر پند بولیشینی اورغوله گن قوچ،

"بالقانلرده بوسنیا هرزگوینانینگ برقرارلیگی و بیرلیگی اولویتده قرار تاپماقده. بیزنینگ اوروشدن کیینگی سیاستیمیز اساسی یولی بوسنیا هرزگوین نینگ سیاسی بردملیگی و اقتصادی ترقیاتیدن عبارت" دیب گپیردی.

بویوک ایلچی، تورکیه نینگ هردایم بوسنیا هرزگوین نینگ صمیمی اورتاغی ایکن لیگینی معلوم قیلیب، بوسنیا هرزگوینده کوچلی بیر شکلده موجودیتینی دوام ایتتیرگن تورک موسسه لری نینگ هم هردایم اولکه نینگ رواجلنیشی گه حصه قوشه جگینی قید ایتدی.