تورکیه دن پاراگوای گه طبی یاردم ییتکیزیب بیریلدی

تورکیه تامانیدن ینگی تور کروناویروس (کوید-19) گه قرشی کوره ش دایره سیده جونه تیلگن طبی یاردم پاراگوای گه ییتیب باردی.

پاراگوای دولت باشلیغی نینگ تورموش اورتاغی سیلوانا ابدو، تویتر آرقه لی 281 مینگدن آرتیق طبی موادنینگ اولکه سیگه ییتیب بارگن لیگینی بیلدیردی.

ابدو تورکیه گه منتدارچیلیک بیلدیریب "اینیقسه تورکیه جمهور باشلیغی رجب طیب ایردوغان نینگ تورموش اورتاغی امینه ایردوغان گه اولکه میزگه قیلگن همکارلیگی و سیوگیسی اوچون منتدارمیز" دیب ایتدی.

تورکیه، پاراگوای گه سیلوانا ابدونینگ امینه ایردوغاندن اولکه سی نینگ کسل لیک که قرشی کوره شیده همکار بولیشینی طلب قیلیشی نینگ آرتیدن طبی یاردم جونه تیلگندی.

بو موادلر 50 مینگ ته قوریقلش کییم، 30 مینگ N95 ماسک، 100 مینگ عملیات ماسکی، 2 مینگ قوریقلش کوز آینه سی و 50 مینگ طبی کلوشدن عبارت.