سومالیاده تورک عسکری تربیه لش مرکزیده اویوشتیریله دیگن خودکش هجوم نینگ آلدی آلیندی

سومالیانینگ پایتختی موگادیشوده جایلشگن تورک عسکری تربیه لش مرکزی قاشیده خودکش هجومی اویوشتیرماقچی بولگن بیر کیشی، عسکرلر تامانیدن انیقلب تاثیرسیز وضعیت گه کیلتیریلدی.

تورکیه نینگ موگادیشو بویوک ایلچیسی مِحمد ییلمز بیرگن بیاناتیده تورکسوم عسکری تربیه لش مرکزیده اوقیووچی تنلش جریانیده گاوجوم نینگ ایچی گه کیرگن بیر خودکش هجومچی نینگ انیقلب اوریب اولدیریلگن لیگینی بیلدیردی.

ییلمز،

"دستلبکی معلوماتگه کوره، خودکش هجومچی گاوجوم نینگ آره سیدن ایچکریگه کیرماقچی بولگن بیراق سومالیالیک عسکرلر تامانیدن انیقلنگن و اوریلیب اولدیریلگن. شونده ی بولیب بو جریانده پارتلش یوز بیرگن لیگی بیر کیشی تینچ اهالی نینگ حیاتینی یوقاتگن لیگی بیلن تیگیشلی معلومات قولگه کیریتدیک" دیدی.

بو هجوم نینگ مسؤلیتینی حلی گچه هیچ کیم بوینی گه آلگن یوق.

ترور تشکیلاتی الشباب تامانیدن هردایم خوفسیزلیک کوچلری و تینچ اهالی گه قره ته هجوملر اویوشتیریلماقده.