جمهور باشلیغی ایردوغان کوچ فلمی کورگزمه سیگه قتنشیب صحبت قیلدی

"امکانیتلری بیزگه کوره انچه کوپ بولگن اولکه لر، مهاجرلر اوچون محدودیت تعیین ایترکن؛ بیز عرق، دین، اتنیک اییرمه ی همه نی قوچاقلب آلدیک" دیدی.

جمهور باشلیغی رجب طیب ایردوغان ویدیو کنفرانس آرقه لی خلق ارا کوچ فلملری کورگزمه سی نینک اداغ محفلی گه قتنشیب صحبت قیلدی. فستیوال نینگ سینما آرقه لی کوچ و سببلری بوییچه قیته دن اویلش، کوچ نینگ اجتماعی، مدنی، سیاسی و اقتصادی جهتلری توغریسیده آگاهلنتیرووچی حصه قوشیشینی خواهله دی.

ایردوغان جنابلری شولرنی ایتدی:

"بوگون دنیا مقیاسیده 260 میلیون قاچقین، 71 میلیوندن آرتیق اوی – جاییدن بدرغه بولمیش انسان و 25 میلیوندن آرتیق قاچقین بار. انسانلر نه فقط یخشی بیر ایش، یخشی راق بیر حیات شرطلری اوچون؛ عموماً حیات گه قالیش، قرینلرینی تویغزیش اوچون کوچ قیلیب چیقماقده لر. تقسیم قیلیش نینگ برکتی، همکارلیک نینگ کوچی گه ایشانگن بیر مدنیت نینگ منسوبلری اوله راق هیچ کیم گه تبعیض قیلمه دیک. امکانیتلری بیزگه کوره انچه کوپ بولگن اولکه لر، مهاجرلر اوچون محدودیت تعیین ایترکن؛ بیز عرق، دین، اتنیک اییرمه ی همه نی قوچاقلب آلدیک. اوز وطنداشلریمیزگه قیسی امکانیت نی بیرگن بولسک، اولکه میزگه کیلیب سیغینگن مظلوم و آواره لرگه هم اوشنده ی یانداشوو ایچیده بولدیک" دیب ایتدی.