تورکیه دن افغانستان گه قیغوداشلیک بیلدیریلدی
کارته چهار منطقه سیده گی شیرشاه سوری جامع مسجدیده جمعه نمازی جریانیده پارتلش یوز بیرگندی
تورکیه، افغانستان نینگ پایتختی کابلده جایلشگن بیر مسجدگه جمعه نمازی جریانیده اویوشتیریلگن تروریستیک هجومنی قتّیق قاره له دی.
تشقی ایشلر وزیرلیگی تامانیدن بیریلگن یازمه بیاناتده، سونگی پیتلرده افغانستانده عبادتخانه لرگه قره ته اویوشتیریلگن هجوملرنینگ کوپه ییب باریشی باعث قیغولنگن لیگی بیلدیریلدی.
مذکور بیاناتده،
" افغانستان نبنگ پایتختی کابلده جایلشگن بیر مسجدگه جمعه نمازی جریانیده اویوشتیریلگن تروریستیک هجومنی قتّیق قاره له یمیز" دیب افاده ایتیلگن.
بو هجوم عاقبتیده حیاتینی یوقاتگنلر اوچون الله تعلی دن مغفرت یره لنگنلرگه عاجل شفا تیلنگن بیاناتده، "دوست و قرینداش افغانستان خلقی گه قیغوداشلیک بیلدیره میز" دیب ایتیلگن.
افغانستان نینگ پایتختی کابلده جایلشگن کارته چهار منطقه سیده گی شیرشاه سوری جامع مسجدیده جمعه نمازی جریانیده اویوشتیریلگن هجوم عاقبتیده ملا امام بیلن 3 نفر تینچ اهالی حیاتینی یوقاتگندی.
