یونان کوچلری هیده ب یوبارگن قاچقینلر تورک خوفسیزلیک کوچلری تامانیدن قوتقریب آلیندی

یونان ساحل کوچلری تامانیدن هیده ب یوباریلگن 36 نفر قاچقین تورکیه نینگ چاناق قلعه ولایتی آیواجیق تومنی دینگیز ساحه سیده قوتقریب آلیندی.

یونان نینگ میدیلی آرالی گه اوتیب بارماقچی بولگن قاچقینلر میدیلی سحالیدن دینگیز آرقه لی جونب کیتگن.

پلاستیک قاییقلر آرقه لی جونه گن تورلی اولکه وطنداشی 36 نفر قاچیقین نی یونان کوچلری تورک دینگیز ساحه سیگه هیده ب قویبرگن. شونده ی بولیب قاچقینلر تورک دینگیز خوفسیزلیک کچلریدن یاردم سوره گن.

تورک خوفسیزلیک کوچلری هیداوچیسیز هوا واسطه سی آرقه لی جایینی انیقله گندن کیین منطقه گه باریب بابا قلعه قشلاغی دینگیز ساحه سیده 36 نفر قاچقین نی قوتقریب آلدی.

ایچلریده خاتین – قیز و باله لر هم بولگن قاچقینلرنینگ کوچوک قویو قصبه خوفسیزلیک قرارگاهی گه کیلتیریلگن لیگی بولرگه ییملیک بیلن کییملیک بیریلگن لیگی قید ایتیلدی.