تورکیه تامانیدن افغانستان گه قیغوداشلیک بیلدیریلدی

تورکیه، افغانستان نینگ پایتختی کابل ده بیر مسجدده اویوشتیریلگن ترورچیلیک هجومی عاقبتیده حیاتینی یوقاتگنلر اوچون قیغوداشلیک بیلدیریلدی.

تشقی ایشلر وزیرلیگی تامانیدن بیریلگن یازمه بیاناتده،

"افغانستان نینگ پایتختی کابل ده جایلشگن وزیر اکبرخان مسجدی هدف آلینگن و حرمتلی دین عالمی ایاز نیازی حیاتینی یوقاتگن منفور ترورچیلیک هجومنی قتّیق قاره له یمیز" دیب افاده ایتیلگن.

عبادت جایلریگه اویوشتیریلگن هجوملرنینگ هیچ بیر بهانه سی بولمس لیگی اورغولنگن بیاناتده، حیاتینی یوقاتگنلر و افغانستان خلقی گه قیغوداشلیک بیلدیریلدی.

وزیر اکبرخان مسجدی گه 2 جون کونی اویوشتیریلگن هجومده اولکه نینگ تنیقلی دین عالملریدن ملا محمد ایاز نیازی بیلن بیر کیشی حیاتینی یوقاتگندی.

مسجدده اورنه تیلگن منفجره موادنینگ شام نمازی پیتیده پارتلتیب یوباریلگن لیگی بیراق مسجدنینگ میدانیده ایریم بیر منفجره موادنینگ تاثیرسیز وضعیت گه کیلتیریلگن لیگی قید ایتیلگندی.