کرونا ویروس گه چلینگن تورک عایله بنگلدیش دن تورکیه گه کیلتیریلدی

بنگلدیش ده یشیاتگن و ینگی تور کرونا ویروس (کووید 19) نی یوقتیریب آلگن و اوشبو اولکه ده تداوی بولمه گن تورک عایله, توناون تورکیه جمهوریتی ساغلیق نی سقلش وزیرلیگی تامانیدن یوباریلگن امبولانس طیاره بیلن تورکیه نینگ استانبول شهری گه کیلتیریلدی.

تورک وطنداشی توبا احسن اوزی, حیات اورتاغی و باله لری نینگ کووید 19 تستی نینگ مثبت چیققن لیگی اوچون, تورکیه نینگ بنگلدیش سفارتی گه مراجعه قیلیب امبولانس طیاره طلب ایتدی. 

شونده ی قیلیب تورکیه جمهوریتی ساغلیق نی وزیرلیگی تامانیدن یوباریلگن امبولانس طیاره بیلن توبا احسن, حیات اورتاغی و باله لری تورکیه گه کیلتیریلدی. 

اوشبو عایله نی آلیب کیلگن اوچاق امبولانس توناون تورکیه وقتی بیلن کیچقرون ساعت 18:45 ده استانبول گه کیلیب قوندی. 

خوددی شوو عایله اعضا لری استانبول ده جایلشگن قانونی سلطان سلیمان کسلخانه سی ده تداوی ایتیلماقده. 

تورکیه جمهوریتی ساغلیق نی سقلش وزیرلیگی 2008- ییل دن بیری امبولانس طیاره لر دن استفاده ایتماقده. 

وزیرلیک نینگ 3 امبولانس طیاره و 17 ولایت ده 17 امبولانس هلیکوپتری نینگ موجود ایکن لیگی بیلدیریلدی.

میلادی 2008 – ییل دن بیری هلیکوپتر بیلن 33 مینگ گه یقین و امبولانس طیاره بیلن ایسه 14 مینگ دن آرتیق کسل انتقال ایتتیریلگن. 

حاضرگی کون گه چه اوشبو طیاره لر دن فایده له نیب 69 اولکه دن 750 کسل تورکیه گه کیلتیریلگن.