تورکیه تشقی ایشلر وزیری چیت ایلده حیاتینی یوقاتگن تورکلر حقیده معلومات بیردی

تورکیه تشقی ایشلر وزیری مولود چاووش اوغلی، ینگی تور کروناویروس (کوید-19) کسل لیگی باعث بوگونگچه چیت ایلده 535 نفر تورک وطنداشی نینگ حیاتینی یوقاتگن لیگینی بیلدیردی.

چاووش اوغلی انتالیا ولایتیدن نشرات بیرووچی بیر تلویزیون گه بیانات بیردی.

تورکیه نینگ کوچلی بیر اولکه ایکن لیگی گه دقت قره تگن چاووش اوغلی جنابلری، "دنیاده 135 اولکه بیزدن طبی یاردم طلب قیلدی. بعضی بیرته سی یاردم تیله دی بعضی بیرته سی ساتیب آلیش اوچون همکارلیک سوره دی. 81 اولکه نینگ طلبینی جایی کیلتیردیک. ایندی باشقه لریگه قنداغ یاردمچی بولیش خصوصیده باش قاتیرماقده میز" دیب ایتدی.

چیت ایلده حیاتینی یوقاتگن وطنداشلرنینگ هم بولگن لیگینی ایتگن چاووش اوغلی شونداغ معلومات بیردی.

"بوگونچه چیت ایلده 535 وطنداشیمیز حیاتینی یوقاتدی. بولردن 438 ته جنازه نی تورکیه گه آلیب کیلتیردیک" دیدی.